بحكم خبرتك هل في فرق ميكانيكي يؤثر ولا مفيش فرق؟؟؟
|
بالطبع
النوع ده غير مناسب عندك فى الماروتى
لأن الماروتى ليست حقن ألكترونى
وأنما كاربوراتير عادى
الاستفسار التاني:
هل في اي علاقه بين ظبط الكربيراتير وكهربة السياره؟؟
لاني لاحظت بعد اما استلمت العربية ان الكلاكس بقا ساعات يكون ضعيف جدا وده مثلا بيزيد لما اكون مولع التسجيل ونور العربية
ولو العربية سخنه وانا ماشي في زحمه بيكون برضو ضعيف
مجرد ما امشي بيها بسرعه يتظبط...
|
حاول تشد سير الدينامو شويه وتراجع صح على رباط أطراف البطاريه بعد تنظيفها جيدا ( قواطيش وصوابع بطاريه )
وشوف الجديد
جربت اظبط الكربيراتير بايدي والحمد لله العربية غالبا اتحلت المشكله دي
فحبيت اعرف هل الظبطيه ممكن تعمل كده؟؟؟
|
غالبا أنت عليت السلانسيه شويه ومن هنا تحسن خرج الدينامو
بس طبعا كده حتحس بعلو صوت المكنه على السلانسيه
فهل السلانسيه حاليا زى الأول ( قبل ماتربط على مسمار البنزين سنه )
بالطبع السلانسيه أعلى من الأول وصوت المكنه أرتفع أكثر
الاستفسار الثالث:
عايز اعرف يعني ايه العربية بتسقف؟؟
|
التسقيف ....يعنى الصفع فى محركات البنزين
بيسمى بال detonation
ولما بيكون سببه بنزين أوكتانه أقل من المقرر لحريق المحرك ( نظرا لأرتباط درجة الأوكتان بنسبة أنضغاط غرف حريق المحرك )
بنقول المحرك يمر بحالة تسقيف ناتجه من أستعمال أوكتان منخفض
وبالطبع ده ليه آثار سلبيه على المكنه على المدى البعيد كمكونات ميكانيكيه
فقد يتلف جوان وش السلندر مع وجود تسقيف بصفه مستمره
والتسقيف ماهو إلا موجات حريق متضاربه فى جميع أرجاء غرف الحريق
نتيجة الأشتعال الخاطى للبنزين المنخض الأوكتان
لأن طالما أستعملت بنزين منخفض الأوكتان
يجب التحكم فى تأخير وقت أطلاق الشراره من البوجيهات
أى بتوطية كهربة المحرك ( باللغه الدارجه )
وفى أنظمة الأشتعال التى تحتوى على موزعات شرر ( أسبراتيرات )
يمكن التخلص من التسقيف بتأخير زاوية تركيب الأسبراتير على عامود كامة
المحرك
أو كما يقال فى اللغه العاميه ( نوطى الكهربه )
لكى يحدث ألتقاء صح بين وقت قدح الشراره من البوجيهات والوقت الأمثل لحرق
بنزين غير مقرر لهذا المحرك ( أى بنزين منخفض الأوكتان )