[ziabassem]

المشاركة الأصلية كتبت بواسطة AboNoRa بالرغم من انى مش من المهتمين بال BYD بصراحة بس بحب اخش القسم للاستمتاع بمشاركات وموضوعات ابو جيسى وباسم وبالطبع الاستاذ المناهرى يارب نفضل متجميعن على الخير دايما انا شايف ان اللى بيعمله الامريكان مع الصينين هو هو اللى اتعمل قبل كده مع اليابانيين والكوريين وشايف ان الموضوع مش اختراعات ونبل امريكى ولا حاجة الاختراعات مرمية فى اوربا بس الامريكان عايزين ناس مبتدئين يبيعولهم تقنياتهم ومداخل اسواقهم عامة هنيئاً للصينين دعم الاقتصاد الامريكى المتهاوى وياريت يقدرو يفكو شفره الدخول للسوق الامريكية اللى مقدرتش تفكها Chery والمنكوبة كريسلر ويارب ميرساش الموضوع بس على شراكة الامريكان فى مكاسب الشركة الصينية من السوق الصينية نفسها اللى بقت اكبر سوق بعد السوق الامريكية ان لم تكن اكبر كمان

أستاذ/ وائل .. يسعدنا جميعاً دخولك وقراءة المواضيع في قسم بي واي دي .. كما يسعدنا اكثر إطراءك الجميل .

وعلى الرغم من أني لا أعرف ما الذي تقصده بالظبط بما فعله الأمريكان مع اليابانيين والكوريين إلا أني عاوز أوضح لحضرتك شيء صغير وباللغة الدارجة أنه ليس الأمريكان فقط بل أوروبا كلها " بتشد في شعرها " من الصينيين بالذات لما يعانوه منهم من إغراق المنتجات الصينية بكافة أنواعها لأسواقهم وبجودة عاليه جداً لدرجة أنهم سنوا قوانين صارمة أكثر من اللازم لدخول هذه المنتجات .. وبيحاولوا إجبار الصينيين على رفع سعر صرف عملتهم أمام الدولار حتى لا ترخص المنتجات أكثر مما هي عليه فيضر باقتصادهم (لا ننظر بالطبع للمنتجات اللي بتدخل مصر .. فهي مسألة تعود لطبيعة المستورد وطبيعة شعب .. وبصفة عامة أحنا قصة تانية وملناش دعوة باللعب الكبير ده) .

فمن المعروف أن دول جنوب شرق أسيا (كوريا واليابان والصين) ليسوا مبتكرين لاختراعات مثل أوروبا وأمريكا .. ولكنهم شعوب عندهم المقدرة العجيبة على التقليد وتطوير ما قلدوه للأحسن وبتكلفة أقل مما كانت عليه وقت اختراعها .

ما يتبعه الأمريكان والأوروبيين الآن مع الصينيين هو سياسة اللي متعرفش تكسره صاحبه .. وبيحاولوا الاستفادة من الصين كدولة مشجعة على الاستثمار (بالرغم ما تعانيه من النظام الشيوعي) ويعملوا على نقل الصناعات الملوثة للبيئة التي في أراضيهم لتكون في الصين مع الاستفادة من رخص الأيدي العاملة وتوافر الموارد الطبيعية الداخلة في هذه الصناعات .. وكذلك مبدأ عدم الإنفاق على تطوير اختراعات مادام يقوم به أخرين بشكل أرخص وأحسن .

وفي المقابل الصينيون ليسوا في غفلة عما يفعله الأمريكان والأوروبيين معهم .. فهناك منافع تعود عليهم باكتساب خبرات وابتكارات وتقنيات جديدة ، وكذلك فتح أسواق بشكل أوسع في هذه البلاد .