المشاركة الأصلية كتبت بواسطة TheSantos128
هو معلش انا اسف انا عندى كام استفسار:
1- هو المندوب اللى بيجى يشوف العربيه ويصورها ويعمل العمليه التقديريه شغال عندى ولا فى شركه التامين!!!! علشان حضرتك بتقولى اختار الوسيط , وسيط ايه حضرتك احنا لما عملنا التامين روحنا على مقر شركه التامين مباشره من غير وسطاء .... وعلى فكره " واحده من اكبر شركات مصر واعذرنى عن ذكر الاسم"...
2-المندوب شرفنا بعد 16 يوم بالتمام والكمال بعد حوالى 38 اتصال بى 38 وعد, واعتقد لو واحد فاتح كشك فى الشارع بس ملتزم بكلمته كنت هحترمه اكتر من كده لان اى نشاط تجارى قائم على الالتزام بالمواعيد واحترام ولا حضرتك شايف ايه!!!..
3- العربيه فى التوكيل كانت تكلفه الاصلاح 3000 جنيه .. واخدت ورقه بكده واستنيت الباشا يشرف علشان يعمل التقدير لاقيه عامله بى 690 جنيه 
ولما وريته الورقه بتاع التوكيل قالى بالنص " لو مش عجبك هات العربيه نعملهالك بره!!!" " بزمتك انت شايف ايه "... وكل الورق والتقديرات معايا
وفى الاخر رحت الشركه "المحترمه" وطلبت اكنسل التامين وطبعا قصو حبه حلوين من الفلوس....
لو ده ليه اى مسمى غير النصب لو سمحت عرفنى
وشكرا |
اولا كلام حضرتك متناقض شوية تقول انك عملت التأمين فى الشركة مباشرة و شوية تقول ان المندوب جالك بعد 16 يوم دة طبعا مستحيل انة يحصل لان بمجرد ما حضرتك بتقدم البلاغ الخبير اللى بيعاين العربية قبل الاصلاح بيروح خلال يوم او 48 ساعة بالكتير
يا ريت حضرتك توضح موديل العربية اية لان اكيد فى حاجة غلط و بالنسبة انك لما روحت الشركة علشان تكنسل التامين اكيد مش هيدوك مبلغ الوثيقة كامل هيدوك المبلغ بناقص الفترة اللى انت كنت مغطى فيها تأمينيا