المشاركة الأصلية كتبت بواسطة Ahmed ELderiny
السلام عليكم
مبروك على السيارة الجديدة , ربنا يرزقك خيرها ويكفيك شرها ويبارك لك فيها
1- افضل واسهل الطرق فى ميعاد النقل للسرعات الاعلى هى الاعتماد على صوت الموتور
بمعنى انك لما تتحرك بالسيارة طبعا على الغيار الاول وبعدها تنقل على الغيار الثانى لما تسمع صوت الموتور عالى(20 كيلومتر) وبعد ما تزود بنزيد اكتر هايعلى صوت الموتور تانى ساعتها تنقل على الغيار الثالث(40 كيلومتر) وتزود بنزين تانى والغيار الرابع(55 كيلومتر) وهكذا.
وطبعا لما تقل سرعة السيارة هاتنقل على الغيار الاقل والغيار الاول هاتنقل علية فقط لما السيارة تقف عن الحركة.
2- هاتقوم بتشغيل المحرك وتنتظر لمدة دقائق قليلة (3 او 4 دقائق) لتسخين المحرك وتقوم بضبط المرايا الداخلية والمرايا على الجانبين لتمكن لك رؤية واضحه خلفك وعلى جانبيك
3- عند الدوران لابد ان تكون السيارة على سرعة منخفضة على الغيار التانى
4- عند الملفات بتكون على اليسار قبل الملف بمسافة وعند قرب المسافه بحوالى 100 متر تقريبا تعطى الاشارة وتلف بسرعة منخفضة
5- مفيش مشاكل ان شاء الله بس العربية الى معاك عربية خفيفة التسارع بتاعها عالى يعنى باقل ضغطة بنزين العربية تجرى منك وكل ما تمشى بيها اكتر هاتاخد عليها
6- طبعا عند السفر لمسافات كبير تشيك على البنزين ومياة التبريد ومستوى زيت المحرك وزيت الباور يعنى تعمل فحص شامل للسيارة طبعا
7- العربية وهى جديدة مش هاتحتاج ولا ترصيص ولا ضبط لضغط الهوار داخل الاطارات وكمان كل ده هايتفحص تانى فى روتين 1000 كيلومتر
8- عند تشغيل العربية وبتسخنها بص على عداد عدد اللفات هاتلاقية عند 1 او اعلى شوية وبعد دقائق قليلة هاتلاقية عند اعلى من النص بشوية بمعنى عدد اللفات الطبيعى للعربية عند 600 الى 750 لفة.
ونصيحتى لك ان القيادة هى ممارسة بمعنى كل ما تمشى بعربيتك كتير هاتتعلم اكتر وتقدر تتحكم فى العربية ببساطة ومهارة.
|
كلام وافى بصراحه ومفيش بعده كلام وفعلا كل ماتمشى بيها اكتر هاتاخد عليها وعلى السواقه
وحاول السواقه فى الاول فى اماكن هاديه وتجنب الزحمه لحد ماتحفظ ابعادها كويس وربنا يوفقك