رد: ساعدونى يا محبى الانسر ارجوكم
انا اتمني اني اساعدك بس انا هقولك حاجه من خبرتي مع بطتي لانسر بطه يعني
انا اول ماجبتها حسيت صورت الماتور ملوش حل وكبير وروح لميكانيكي قاللي ده بيخلط وعايز عمره المهم روحت كشفت علي الماتور كمبيوتر في مركز متخصص قاللي الماتور حالته كويسة جدا يعادل 75 % ودي نسبه كبيره جدا لعربيه قديمه زي دي
المهم اللي عايز اوصلهولك
اول حاجه روح اكشف علي حالة الماتور ده كمبيوتر
انت غيرت بوجيهات مره لما حد يقولك غيرها تاني قولي مانا مغيرها
خلي الميكانيكي يظبطلك العربيه علي بنزين 90 وحط 90 بس فضي التانك خالص
هتعمل حركة حلوة هتروح البنزينة تجيب ب10 ج بنزين 90
وتروح لميكانيكي او لو تعرف انت تفك الماسور اللي تحت التنك فكه المهم خليه ينزل كل البنزين
ويصبر عليه وهز العربيه عشان كله ينزل وبعد كده حط بنزين التسعين ده اللي معاك
وبعدها شغل العربية وشوف الموضوع هيتم ازاي ؟
عشان متتلخبطش
1- اكشف علي حالة الماتور كمبيوتر
2- فضي التانك خالص لان بنزين ال80 كله شوائب وبيبقي وحش علي المكنة
3- سقط ماتور تاني احسن من العمرة واشتري دماغك بس هيبقي مكلف شوية هاته استيراد من بورسعيد ( اخر حل خالص )
واللي بايعلك العربيه مين ؟؟ حد تعرفه ولا اي حد لانه ممكن يكون عارف سبب المشكلة
وبالنسبة للتسخين كون انه يقع منه ميه دي صحة للعربية ومعناه ان الماتور حالته كويسة علي فكرة
والله اعلم
ارجو اني اكون افادتك وجرب وقولي وصلت لايه
|