رحلتى مع غبور ابو رواش
السادة الافاضل
اليوم امنى ان يسع ليكم صدركم لسماع حكايتى مع توكيل ابو رواش لغبور حيث انها تجربيتى الثالثة والاخير فى البدايه بعد عدة اتصالات فى توقيتات مختلفة تم الرد على واخذت ميعاد يوم الخميس الماضى الساعة 10صباحا ووصلت المركز وكان رقم السيارة 70 وانتظرت لمدة نصف ساعة لكى يحضر المهندس لكى يستلم السيارة ولم يحضر وذهبت الى المهندس /احمد الزذ بعث مهندس اخر لاستلام السيارة وبعد ان عرف الملاحظات ودونها عندة قلت له انه يوجد مشكله فى زجاج السيارة الخلفى بيحدف وهو طالع فرد عليا وقال ليه ايه بقى لا حضرتك دة فى ورشه الهياكل حضرتك تبقى تيجى تانى لانك مش حتلحق كاننا اصحاب العربيات قاعدين فاضين لمراكز الخدمه المهم استلم السيارة 11 ونص وقال ليه انشاء الله على 3 ونص تستلم العربيه واحتمال قبل كدة المهم قلت مش مشكله ماهى صيانه العشرين الف بتاخد وقت عديت الساعة 3ونص وبقيت اربعه ومفيش خبر فسالت المهندس احمد فقال ليه اقصى ميعاد بيبقى بعد الميعاد الاصلى بساعة بقيت خمسه واخير اعلى خمسه وعشرة جيت الفاتورة روح بقى علشان تدفع زى شباك المرور سيب الفاتورة واحنا حنادى عليك وبيقت الساعة 5وثلت وعلى ونص نادى عليا علشان ادفع 8ساعات علشان صيانه عشرين الف نستحمل طلعت علشان استلم العربيه فلاقيت واحد قاعد فى مكتب الاستلام يقول ليه ايه بقى المفتاح فى العربيه طب فين العربيه حضرتك دور عليها يعنى ايه ادور عليها حضرتك هناك ماشى نستحمل علشان الواحد مش بيتعلم ببلاش اخر الورشه الاقى العربيات مرصوصه صف ورا بعض ومفيش مخلوق يعنى بمنتهى السهوله الواحد ياخد اى عربيه ويمشى اخذت العربيه ولفيت من وسط ورش العربيات علشان اطلع وانا طالع بتاع الامن اخذ ورقه صغير ولا شاف ولابص ولا اى حاجه ملاحظاتى بقى على التوكيل :-
1- الكوسه والمعرفه هى اساس التاعمل فى هذا المركز عندك معرفه حتخلص حاجاتك بمنتهى السرعة وكمان ممكن ينزل ليكى فى الاسعار كانك فى مصلحه الضرائب او فى نيابه المرور معرفه تخلص ليك كل حاجه
2- عدم احترام المواعيد بالمرة
3- عدم الاهتمام بالعميل كماهو منتشر فى مصر العميل حيدفع ويولع يبقى يضرب دماغة فى الحيط
4- فعلا ندمت انى ماسمعتش كلام ناس كتير قالو ا ليه ان غبور سى للغايه وكل همهم اخد فلوس وخلاص ولو بيعملوا تقيم للمركز انا اديه 3من عشرة
5- بيوزعوا دليل للصيانه هناك وبالصدفه لاقيت فى العربيه بعد ما خرجت ورقه مكتوب فيها مين اللى عمل الصيانة وايه اللى عمله ولاقيت فرق ما بين اللى اتعمل ومابين اللى مكتوب فى الدليل اللى هما بيوزعوة دة دليل على عدم الدقة فى العمل وعلى عدم احترام العميل وفعلا نفسى حد من غبور يكون بيخش على الموقع ويدر عليا ويقول كلام غير صحيح
الواحد ينزل الحريفين حيلاقى مليون ميكانيكى وكهربائى بيشتغلوا فى هيواندى واهو على الاقل حيعملوا الشغل قدام عينيك ومش حتقعد طول النهار فى حاجه مابتخدش ساعتين شغل شكرا لوقتكم وشكرا لسعة صدركم
|