رد: موضوع بايخ
هو طالما الموضوع بايخ اكيد هتكون الردود ابوخ واللى بيقولوها اكيد برضه ناس مش بايخة
(انا لحقت نفسى وحطيت مش قديم بدوده عشان بس ما نخبطش فى الحلل )
خد عندك 3 موضوعات بايخة شوفتها واضحك مع الصينى
اول موقف : واحد ماشى بالصينى ومعاه زوجته (انا ماشوفتش القسيمة بس هى اكيد كدة) وبينهما طفل رضيع مرة واحدة لقيته وقف فى نص الشارع وجاى من وراه اتوبيس نقل عام بينهم حوالى 10 متر مراته بصت وراها شافت الاتوبيس داخل عليهم وهات ياصويت وصريخ الاتوبيس سواقه كان معلم بجد راح مفرمل يادوب وقف على بعد 1 سم من الصينى ولسة الست عمالة تصوت من الخضة وبالقصور الذاتى طب جوزها عمل ايه راح نازل من على الصينى وهات ياتخبيط فى الاتوبيس ورايح يضرب السواق ويتخانق معاه ( دكر بجد ياولة )وعجبى
تانى موقف : هو زى الموقف الاول برضه بس كان واحد لوحده برضه معاه الصينى وقف مرة واحدة وعطل المرور فى الشارع فى وقت ذروة وفى الآخر نزل يجر فيه والعجلة الخلفية قافشة الظاهر من الجنزير وقف شوية يصلح فيه وبعدين نط عليه زى القرد وجرى به
الموقف الثالث : هو زى الموقف الاول والتانى بس بعطل مختلف مرة واحد راكب صينى وماشى فى شارع زحمة وعمال ياخد غرز بين العربيات جه ياخد غرزة كبيرة شوية الجادون حود ومارضاش يرجع تانى وكاد ينقلب على جنبه ولكن ربنا ستر عدل نفسه ودور الصينى لانه الظاهر كان بطل وده اللى خلى الجادون يسوجر ومشى برضه زى العفريت
وهى دى الثلاث مواضيع البايخة اللى صادفت وشوفتها اتمنى تكون بايخة بجد
__________________
|