[mastershot]

شكرا يا على اهتمامك وهارد على نقطك:
- اولا انشاءالله هاصلى استخارة بس محتاج ابقى ميال لوحدة منهم الاول
- انا فعلا شدانى اكتر المازدا بشكلها الشبابى الجديد، و انا معاك انى بتكلم عن مدرستين مختلفتين بس هما دول احسن مدرستين موجدين فى مصر، وانت معايا اكيد ان ماينفعش اختار العربية على الشكل بس، المازدا طبعا معروفة من زمان وأد ايه هى متينة وكذلك الفانتازيا معمرة وبتعيش بناء على رأى كل اللى ركبها، وجزئية الهاى لاين و البيزيك الموضوع مش كبير لان البيزيك فى الاسكودا فيها اوبشنز كتيرة من المازدا هاى لاين بمكن ماعدا الجنوط السبور والزينون والسماعات الزيادة وتقريبا حساسات المطر و دول فى رأى مش مؤثرين اوى، طبعا المازدا الهاى ارخص من الفانتازيا البيزيك بحوالى 7000 جنيه، قطع غيار المازدا غالية زى مانت قلت (فانوس الهاى لاين عامل 3000 جنيه) و الصراحة ماعرفش اسعار قطع غيار الفانتازيا، بالنسبة للصيانة غبور لسة فاتح المركز جديد و بصراحة ماعرفش ايه اخباره، اما بالنسبة للفانتازيا بيتقال ان توكيلها سئ بس تقريبا هايفتحوا واحد كبير قريب بس فى مراكز صيانة معتمدة بيشكروا فيها، طبعا الفانتازيا اوسع بكتيير من المازدا، بس بصراحة انا شايف ان شكل الفانتازيا تقليدى(وشها شكله مستفز شوية)، ويتبقى انى اقولك ان خيرت كذا واحد مابين الاتنين يروح قايلى الفانتازيا .
- بالنسبة للجيتا انا معاك انها افضل من الفانتازيا، بس هى اغلى حاجات بسيطة، بس سفااااحة فى قطع الغيار و الصيانة، و عشان كدة انا مسبعدها.
- اكيد انشاءالله هارجع للموضوع بتاعك و اقراه كويس.
معلش انا عارف انى حيرتك معايا، بس ادينى بشارك حد معايا فى معضلتى