[alymonir]

المشاركة الأصلية كتبت بواسطة mastershot ارجو ان تفيدونى، محتاج اعرف مين فيهم افضل على المدى الطويل، بجد الموضوع محيرنى جدا، لانى المفروض انشاء الله هاجيب واحدة منهم، سكودا معروفة انها بستحمل كتير و كمان واسعة وال basic منها فيها اوبشن كويسة، بس المازدا برضو محترمة وتوكيلها بقى غبور ودى نقطة فى صالحها ده غير ان شكلها اشيك من الفانتزيا بس اضيق منها فى الصالون، بجد محتاج حد يدلنى على حاجة مش شايفها و لكم جزيل الشكر.

السلام عليكم و رحمة الله
بص يا باشا
أنا حارد عليك في نقاط محددة لتكون الافادة أعم إن شاء الله
1- في الأول تصلي استخارة و تطلب من ربنا ييسرلك اللب فيه الخير
2- شوف اللي قلبك مرتاحله و اللي بتميل ليه أكتر و اسأل عنه اكتر
3- انت بتقارن بين مدرستين مختلفتين الألمانية و اليابانية فلازم تعرف الأول مميزات و عيوب كل منهم ( ممكن ترجع لمواضيعهم في الأقسام الخاصة بيهم أو في قسم المقارنات و الريفيوهات )
4- ممكن ترجع لموضوعي ( المتواضع ) القول الفصل في مقارنات السيارة حتلاقي فيه إفادة إن شاء الله
5- من ألأفضل أن تكون المقارنة في نفس الفئة يعني لو حتقارن بين السيارتين تقارن بين اتنين هاي لاين أو اتنين بيزك و ساعتها حتلاقي الفرق كبير جدا لصالح المازدا بالطبع
6- أنا مسألتش كتير على الأوكتافيا علشان كانت برة الفئة السعرية بتاعتي بس هي عربية جميلة و عليها اقبال شديد و معمرة ( من فولكس فاجن ) بس لو عايز رأيي بنفس الفلوس اعتقد إن الجيتا أحسن
7- المازدا طبعا جميلة جدا ولا يعيبها سوى ضيق الباب الخلفي و ارتفاع اسعار قطع غيارها النسبي ( حتى الان ) و لم يظهر أثر غبور حتى وقتنا هذا ( ممكن ترجع لموضوع استاذ علاء صفوت بخصوص السيارة )
و في النهاية ربنا ييسرلك اللي فيه الخير و أنا تحت أمرك لو احتاجت أي خاجة