أول مشاركه لى هنا فى هذا المنتدى الظريف
بصفتى مالك النترا قديم ومازلت - فأنا راكب ألنترا موديل 94 العيون المسحوبه وكمان عندى واحده تانيه 95
أقولكم باطمئنان إنها عربيه ممتازه جداجدا وأعطالها بسيطه و تتحمل فعلا - كبوتها أثقل من كبوت المرسيدس
انا راكبها من 10 سنوات ولو معى سيوله كنت اشتريت الموديل الجديد فورا بلا تردد
وللعلم فأنا مش بس كنت بركبها لأ- دا انا كمان كنت بشترى بضاعه واحملها و اسافر
و موقف آخر : كنت انا وبجوارى زوج اختى ( دماغتنا ضاربها فى السقف - خلقة ربنا والله) و بالخلف 3 سيدات من العائله و معهم طفلين 10 سنوات و9 بمقام فرد تانى يعنى 6 راكب - الشنطه مملوؤه على آخرها بشنط السفر ثقيله و سافرت بها
ووالله حتى الكاوتش كانت حالته سيئه - الحمد لله زى الفل و الله فلوسها حلال و اللى صنعها عنده ذمه
وفى وسط الليل كنت على أحد الطرق الساحليه ووجدت أوبل فكترا صاحبها غرز فى الرمل بجوار الطريق يعنى كان حايبات لحد الصبح لما يلاقى حد يقف له
العبد لله - وقفت له و كان معايا كبل لأنى راكب أوتوماتيك - المهم شديته من وسط الرمل ولا كأنى جرار
حتى الراجل قاللى ( دى هونداى ياترى حاتقدر تشد أوبل ؟
- و الله كنت حاسيبه وامشى لكن قلت ياواد طالما وقفتله يبقى كلم جميلك ) و طلعتهاله و كان حايطنطط م الفرحه -
وياما الواحد مشى بيها شهور ومن غير مايصلحها - حتى لما اخدت ضربه فى العفشه من تحت - فضلت ماشى بيها وفيها اللى فيها من غير تصليح و ماشتكيتش معايا وكانت مستحمله
فخلاصة القول العربيه دى تمنها فيها وكل لما يعدى عليكم الوقت معاها حاتعرفوا قيمتها والله إنها تصل للمرسديس فى نظرى و ربما تتعداها
معذره على الاطاله والله الموفق