[MEDO ELMASRE]

انا يجماعه زى ماكنت كتبت قبل كده بعشق المتوسيكلات الريس لان الطرق هنا فى السعوديه بصراحه ممتازه وتشجع على الركوب والسرعه طبعا انا نزلت هوندا 600موديل 2005 وكاوزاكى وسوزوكى وياماها المهم استقريت على الياماها لان لقيت انه اعطاله سهل تتصلح يعنى مثلا مفتاح الهوندا ضاع منى مره روحت اطلع مفتاح لانه من النوع الى بيتكود لاقيته هايتكلف حوالى 8000جنيه وهايجى طلبيه من بره بس الحمد لله دورت لاقيته لما عرفت سعره انما الياماها بيطلع ليه مفتاح عادى 3جنيه المهم علشان ما اطولشى عليكم انا كنت بجيب المتوسيكل الريس اقضى بيه الاجازه 4شهور وابيعه قبل ما اسافر مش بتاجر ولا يهمنى اكسب انما علشان اكون ركبت معظم الموديلات علشان اعرف احكم عليهم بعد كده ايهما احسن المهم انا من مركز تابع للمنصوره وانتو عارفين الطرق فى مصر بسم الله ماشاء الله زى الفل وبالتالى ما بعرفشى استمتع بالسرعه لان مفيش طريق حلو علشان كده انا قررت اشترى حاجه غير الريس وعلشان انا مابفهمشى غير فى الريس دخلت هنا لانى عارف اهل الخبره كتير تنصحونى اشترى ايه من هنا زى الهارلى الشادو السوزوكى الهوندا الحجات دى ايه الى احسن وقطع غياره موجوده فى مصر وسعره عالى كمان يكون قيم يعنى لانى طبعا كل الى كنت بركبهم كلهم موديلات عاليه فو 2003علشان كده عاوز حاجه قريبه لنفس القيمه دى فى الفخامه وبرده لما اجى ابيعه وانا مسافر ما اخصرشى فيه كتير مش مهم عندى اكسب المهم اكون ركبته واتكيفت منه بس علشان انا مش عارف غير فى الريس طلبت المساعده من اهل الخبره ده اولا ثانيا انا دلوقتى عندى فى مصر ياماها r6موديل 2003او 2004 والله منا فاكر كان واحد صاحبى سعودى بيدرس فى امريكا وجايبه معاه وانا اشتريته منه عداده ديجتل بالميل مش بالكيلو نظام امريكى بقا انا كنت ناوى اقنيه مش ابيعه لان سهل تصليحه وصرفت عليه وعاجبنى اوى المهم لما دخلت المنتدى ده واسد باشا طلب منى انى اسئله على الهوندا 1800رحت المحلات بصراحه شكلهم عاجبنى ودخلو دماغى المتوسيكلات دى انا عاوز ابيع الياماها تفتكرو ممكن ابيعه فين ومايخصرنيش فيه انا كنت ببيع الى بيجبهم عند واحد اسمه اسامه فى العباسيه الراجل ده بصراحه قمه فى الادب والاحترام بس انا سافرت ومابعتش الياماها ده كنت عاوز اقنيه بس لما شفت المتوسيكلات التانيه دى عجبتنى بصراحه لو واحد يعرف مكان ابعت بيه اخويا هوا فى مصر يبيعه هناك يعرفى عليه ويدينى رقم تليفونه اكلمه من هنا واكون شاكر ومعلشى طولت عليكم بس انتو الى قلتو ان المنتدى بتاعى واعمل فيه الى انا عاوزه استحملونى بقا ولا ايه ياعم اسد