[Bahi]

للأسف أنا عندى نفس المشكلة فى نفس المكان وبقالى شهور بحاول بكل الطرق والوسائل من بولش لآخر بلون العربية لسنفرة لScratch Remover لكن على رأى هانى بك رمزى "مافيش فايدة" ... الحل الوحيد علشان مترشش تجيب قلم دوكو بنفس لون العربية وأقرب درجة ممكنة وتدهن بة الخدوش وتسيبها تنشف وتعيد العملية 5-6 مرات لغايه لما تعمل طبقة دوكو محترمة فوق الصاج فى نفس علو الطبقة الأصلية تقريبا وبعد كدة عليك بالبوليش علشان تحاول تساوى بين الدوكو الأصلى والدوكو فى الخدش وفى الأخر عليك بالواكس (الشمع) علشان تعمل طبقة عازلة من المياة والرطوبة وعوامل التعرية

فى النهاية الخدوش برضة حتبان خفيف لكن أرحم من الأول مليون مرة والعربية حتبقى محمية وقبل كل شئ حتكون تعبت وهلكت زيى وحترضى لأنك عملت اللى عليك ومش قادر تعمل حاجة تانية