[nktis]

المشاركة الأصلية كتبت بواسطة mottohotto منصحش اى حد يعمل زيه فى مصر لسببين المصريين مبيهتموش بتركيب مرايات و لو كانت راكبه فكأنها مش موجوده و فجاه يدخل يمين و شمال من غير ما يشوف مين اللى داخل عليه التانيه الاشارات تكاد تكون معدومه و لو تحرقت اللمبات يبقه شكرا و مش هتتغير لانها اساس مبتسعملش و برضه فجاه يدخل عليك من غير اشاره هو بالنسبه له هو كده فى امان تام و يقدر يعمل اللى هو عوزه ان كان فى روسيا و لا اوروبا اما لو فى مصر صدقونى ميقدرش و ان عملها هيحرم يعملها تانى معلش انا حصلى كتير فى مصر بسبب الاشارات و المريايات المهمله على شان كده قولت الكلمتين دول و انا مبجريش الا على الصحراوى و بس غير كده حرمت من اللى شوفته فى مصر و الطريق الزراعى انصح كل واحد عنده بايك ميجريش و ان جرى يبقه عليه بحاجتين النور العالى يضربه رعاش فى العربيه اللى ماشيه ادامه على شان يصحيه جايز يجيله مزاج يخش يمين عليك و التانيه الكلاكس جايز سرحان فى همومه و تلاقيه فجاه ميل عليك و اتمنى السلامه للجميع

فعلا نادرا لما بلاقي سواق بيدي اشاره وعندنا تقاطع طريقين وخد بقي كل يوم والتاني حادثه بسبب عدم الالتزام باداب الطريق والاشارات وثانيا تخيل ان تقاطع مفهوش مطب مع انه بديهي