المشاركة الأصلية كتبت بواسطة dr_ahmedrady
اهلا بيك
انا هبتدى معاك من الاول
هو اسمه اوفر درايف و معنى الكلمة دى الغيار الاخير اللى هو الرابع
بما ان الطبيعى ان الغيار الاخير يشتغل وانا سايق , اذن هنضغط ع الزرار ده لجوة و هتلاقى اللمبة مطفية و ده معناه انه شغال.
فى حالات بقى هنحتاج نلغى الغيار الاخير فساعتها نلغى الاوفر درايف فندوس علية تانى عشان يتلغى و ساعتها اللمبة هتنور هتكتب اوفر درايق اوف OD off يعنى ملغى ، و ده معناه ان العربية هتزود غيارات اول و تانى وتالت و بس ,مش هتنقل ع الرابع ابدا.
ايه فايدته ؟ نستخدمه امتى؟
لما تكون محتاج عزم جامد يعنى محمل العربية كتير شنط و افراد و كمان طالع مطلع او هتشد عربية او هتسابق حد هتاخد غرزة يعنى
اذن الطبيعى ان الاوفر درايف شغال و لمبته مطفية و لما نحتاج عزم هنلغى الاوفر درايف فاللمبة تنور
ان الاوفر درايف يتلغى عمال ع بطال و تفضل اللمبةمنورة عمال ع بطال ده خطر ع الموتور
دى المعلومات اللى عندى
لو حد شايف اى خطا عندى يصلحلى
|
الله ينور عليك يا دكتور بس في اضافة صغيرة لو تسمحلي
فوق سرعة 120 الاوفر درايف مابيبقاش ليه اي لزمة
تحت سرعة 80 الوفر درايف برده مالوش اي لزمة
يعني السرعة المناسبة لاستخدام اوفر درايف من 80 - 120
و شكرا