استاذ حازم التويوتا تعتبر احسن خامات فيهم و ده لا شك فيه!!!
|
لو بصيت علي تابلوه الكريستاله و فرش الابواب و الصاج مقارنه بين الكورولا 98 و اللانسر حتعرف اد ايه لانسر فعلا متميزه من حيث جوده الخامات و متانه الصاج و المرونه
|
الصني اكتر عربيه فيهم بتفضل ماسكة نفسها غير انها احدثهم و اعلاهم عن الارض
|
فعلا اعلي عربيه فيهم لكن دا بيأثر علي ثباتها لو حنقارن بين الثلاث عربيات حتلاقي اللانسر تكسب و مش معني كده ان الباقي زباله لكن اللانسر متفوقه
|
بس انا مرشحتش التويوتا لانها لو حتبقى بسعر يقارن بالتانيين حتبقى حالتها مش كويسه يا اما حتبقى اغلى 10 الاف جنيه لو بنفس حالة المنافستين
|
اللانسر علشان تجيب منها عربيه كويسه مش اقل من 48 الف لو هاف اوبشن مانيوال
و ليا واحد صاحبي لسه شاري واحده 99 ب 56 الف كامله اتوماتيك من شهرين بالضبط
و الكورولا عمرها ما وصلت للتمن دا لانها مش مرغوبه اساسا مقارنه بالموديل السابق
|
الانسر عربيه شكلها لحسلي دماغي من اول ما نزلت 1998 و عجبتني جدا و كنت ارشحها للي عايز يجيب! بس بالتجربة و شهادة الاقارب اللي اشتروها العربيه واطية جدا و لازم تحت في اي مطب في الشوارع الجانبية
|
انا معايا لانسر 98 و مش بتحك مني علي الرغم من ان العربيه علي وضعها مش عاليه
لكن انا ركبت طقك جنوط 14 اول ما جبتها و دا يمكن ضبط موضوع الحك في المطبات كتير
|
عزل الصوت بتاعها اقل شوية من الاتنين التانيين
|
معاك حق في دي لكن حط في الاعتبار ان الكورولا ناعمه الي ابعد درجه و لا تقارن في النعومه مع اي عربيه اخري
|
غير كده العربيه شكلها رياضي جدا و فعلا قابلة للتعديل (للي غاوي يعدل بس تعتبر ميزه) لكن لو ستوك انصح بالصني لان ال 2001 اول الشكل الجديد و ياباني بالكامل و قوية
|
و دي كمان انا معاك فيها
و نقطه كمان
اللانسر نزلت من 96 الي 2000 و الكورولا نزلت 98 و 99 و بعد كده في 2000 نزلت الرموش
و دا بيخلي اللانسر قطع غيارها في الاستعمال اكتر من العيون و بالتأكيد سعرها ارخص
علاوه علي ان كل حاجتها موجوده في التوكيل اوريجنال للي عاوز يدفع
يكفي اني اقولك ان واحد صاحبي نده عيون داخ علي ماستر فرامل و مافيش منه استعمال و الجديد تايواني و مش كويس و الاوريجنال كان ب 1200 جنيه
في اللانسر عمرك ما تدفع التمن دا في ماستر فرامل نهائي