مشكلة فى مؤشر البنزين فى لانوس 2011 ارجو النصيحة
السلام عليكم
انا يا جماعة لسة شارى لانوس 2011 كاملة من حوالى اسبوعين بالظبط
امبارح لقيت حاجة غريبة جدااا بركن العربية تحت البيت لقيت لمبة صفرا كدة فى التابلوه اللى بتدل ان البنزين فى طريقة للانتهاء
بصيت على المؤشر لقيت اقل من النص بحاجة بسيطة !!!!!! اصدق مين فيهم مش عارف !!!!!
كلمت واحد صاحبى قالى ممكن يكون الكمبيوتر معلق من الساقعة او طالتة ميه من اليومين اللى فاتوا اصبر للصبح وشوف ؟
نزلت النهار ده الصبح لقيت المؤشر بتاع البنزين فى نفس المكان مع العلم ان المفتاح مش فى الكونتاك يعنى المفروض كل المؤشرات تكون فى وضع سكون تحت
المهم قلت ادور العربية العربية ما رضتش تدور قلت بس يبقى مفهاش بنزيت اخدش جيركن وروحت مليتة من البنزينة وحطيتة فى العربية ودورت دارت عادى جدااا
سوقت لحد البنزينة وفولت لقيت فعلا التانك مفهوش غير ال 6 لتر اللى لسة حاططهم المهم المؤشر طلع لحد ال f قلت يا رب يكون اشتغل
بطلت العربية لقيتة ما نزلش زى بقية المؤشرات !!!
ده عيب اية بالظبط ؟؟؟؟
اروح التوكيل ولا اصبر لما اشوف يمكن يظبط لوحده ؟؟؟؟
|