السلام عليكم ورحمة الله وبركاته
سؤال محيرني ومش عارف اجابته اولا انا عندي عربيه تويوتا كورولا 2010 فول اوبشن وجنوب افرقيا وعربيه ما شاء الله زي الفل في كل شئ شكلها و امكانياتها وقوة ماتورها 1600سي سي واستهلكها ممتاز بجد عربيه تحفه ثابته في الملفات والدركسيون ناعم جدا ومتماسك يعني مش بيلعب في ايدى و بالاخص في المطبات ودواسه البنزين ممتازه يعني مفيهاش المشكله الي الكل بيتكلم عليها وفراملها ممتازه وشغاله علي الشعره يعني برضه مفيش المشكله الي الكل بيتكلم عليها طيب ايه مشكلة الموديل ده ليه كمية النقد الغريب عليها وبعدين الجنوب افرقيا اقوي من الخليجي ونفس التقفيل المهم عاوز اعرف السبب وراء الهجوم العنيف علي الموديل ده وفي نفس الوقت تلاقي عربيه زي السيراتو بيتكتب فيها اشعار علي الرغم اني مش مقتنع بيها وده راي الشخصي انا ركبتها و جربتها ليقت التويوتا تكسب اشيك و افخم واقوى واسم موجود في سوق السيارات العالمي وليه مكانته ممكن تشاركوني وتعطوني من خبرتكم الافاده ولكم الشكر ومعلش يا انصار الكيا و الهيونداي محدش يزعل من راي
