[tom_gr]

والله اعلم اعتقد ان المعرض فعلا نصاب والراجل ضرب الفلوس فى جيبه لما شافك متساهل وطيب وملبوخ بالفرحة

ليه بقول كده

لان فى الظروف الى زى دى الواحد بيبقى عادد الفلوس تسعتلاف مرة ومش هو بس هو والى معاه كمان بيراجع وراه

والواحد صعب جداااااااااااااااااااااا يغلط فى 200 ورقة مرة واحدة ممكن يسقط ورقة اتنين تلاته بالكتيير

بس انت عملت اخطاء كتير اوىى اوى فى الموضع ده

اولاها مبلغ كبير ويكون كاش ؟ فيه شيكات يا صديقى والى مش عاجبه قوله بس والله اسف ومضطر امشى لانك مش قابل الشيك وانا مش بمشى بفلوس هاتلاقيه بيبوس ايدك علشان تديله الشيك

تانى حاجة انك خليته يعد الفلوس بنفسة مش بالماكينة وكنت تصمم على رايك والفلوس تتعد وانت واقف على راس اهله

كمان حاجة انك كنت تعد الفلوس الاول وتتاكد ادامه وتقله اهم انا عديتهم ادامك ومظبوطين ( مجرد بس انك تفهمه انك فاهم الحركات الى بتحصل ) واى غلط بعد كده يبقى منك

اخر حاجة ماكنتش تصدقه لمايقلك الكلام ده على طول كنت تمسك فى رقبة اهله الحرامى ده وتزعق وتلم الناس عليه ويوصل الامر لمحضر فى الشرطة

انا بقول كده لانى بشتغل فى التجارة وبتعامل مع تجار كتير وعارف الحركات دى

الموقف ده على فكرة ممكن يحصل مع اى واحد فينا لاقدر الله مهما كان مفتح انما الواحد بس بيحاول على قد ما يقدر انه يكون مخلى باله

اخيرا معاك سلاح خطير وانت ناسيه يا صديقى اتوضا صح وادخل صلى ركعتين لله بنية صافية ( بعد الفرض) وادعى على الراجل ده من قلبك وادعى لنفسك ان ربنا ييعوضك ( وثق تماماااااااااااااا ) ان ربنا هاينتقم منه وان ربنا هايعوضك خير فعلا وبعد ماتخلص انسى الموضوع تماماااااااااااا وهاتلاقى الى دعيت بيه حصل ( وابقى افتكر كلامى )