[السقا]

المشاركة الأصلية كتبت بواسطة samirayad لازم تراجع على الزوايا تانى فى مركز ضبط زوايا محترم واضح أنه فتح الزوايا وعمل تباعد بين العجلات الأماميه وبالتالى العربيه حتبقى متكتفه معاك والسحب فى الضياع

طيب يا باشمهندس سمير انا روحت لمركز ظبط الزوايا اللي في بنزينة كالتكس في المعادي وانت طالع على الاوتوستراد وكشف عليها وقال اه قفلها شوية بس مافيش اي تحسن .. وتعبيرك دقيق جدا العربية متكتفة وده اللي قلته لما رجعت للي ظبطها قصدي للي بوظها اول مرة منه لله .. العربية متكتفة والسحب ضايع ورمى التهمة بقى على الموتور ولما صممت ان العربية حصل لها كده بس من ساعة ما جيت له قال يبقى في حاجة حصلت لوحدها بس جت كده في نفس الوقت .. يعني اي كلام وخلاص.
طيب ممكن حضرتك ترشح لي مكان ثقة ؟ وتقوللي اقول لهم ايه بالظبط لأن تكتيفة العربية دي سخيفة اوي.
شكرا لمتابعتك