المشاركة الأصلية كتبت بواسطة koashraf
مشاركتك هى أفضل رد عجبنى فى هذا الموضوع-واحب أضيف اليه الاتى:
لازم نفهم طريقه معيشة اهل الخليج ومتطلباتهم فى السياره والتى تختلف تماماً عننا نجد ان السيارات التى تسوق فى الخليج منطقيه للغايه ليه
اولاً:الاسر فى الخليج تقتنى عدة سيارات تكون منهم سياره لخدمة المنزل يعنى لمتطلبات البيت من مشاوير ومشتروات ودى غالباًماتكون سياره بالسائق من النوع اليابانى ذى السعه اللتريه المنخفضه وتكلفة صيانتها غير عاليه وده متوفر فى اليابانى متسوبيشى لانسر أوتيوتا كرولا.
ثانياً:سياره لرب المنزل ودى غالباً تكون فئه عاليه فى السعه اللتريه والحجم لزوم الوجاهه وده برضه متوفر فى اليابانى انفنيتى أوكامرى أوالامريكانى وطبعاً لوصيانتها سهله وتكييفها تلاجه يبقى تمام وعزالطلب.
ثالثاً؛سياره للرحلات أو البر أوالمصيف ودى لازم تكون4x4 وعدد افراد كبير عشان تكفى العيله وتكييف يكون عالى وده برضه متوفر فى اليابانى لاندكروزر أوالامريكانى فورد أوكريزلر.
اغلب السيارات الاوروبى تكنولوجيا عاليه وتحتاج عماله ماهره مدربه لصيانتها ومصممه اساساً لتعمل فى جوبارد ومع ملاحظة التكلفه العاليه جداً للعماله المستورده فى الخليج وتكلفة قطع الغيار المهوله فممكن تتكلف اصلاح السياره 1/4 تمنها أواكثر وهى جديده خصوصا لوتعرضت لحادث تصبح السيارات الاوروبيه خارج المنافسه تماماً للأسباب السابقه.
لذا لايجب ابداً المقارنه بين السيارات الناجحه فى الخليج ومتطلبات السياره فى مصر والتى تختلف طبعا عن متطلبات المواطن الخليجى.
|
انا متفق مع حضرتك تماما..وانا قصدت امثل بدول الخليج على اساس انهم بيلعبوا بالعربيات لعب وبيجربوا اكثر من عندنا...يعني انت ممكن ب 2000 ريال تركب عربية محترمة من الحراج لانهم هناك بيرموا العربيات رمي ..
.لكن حضرتك مش شايف ان الوضع عندنا اصبح مثل دول الخليج تقريبا من جهة الحرارة العالية...وكمان انا لاحظت ان السيارات الاوربية وخصوصا البي ام سعرها بينزل جامد جدا في الخليج تقريبا النصف زي عندنا بالضبط ...وده بيرجع برضه لاعتمادية السيارات الياباني ورخص ثمنها وصيانتها وايضا لرفاهية الطبقة المالكة لهذا النوع من السيارات التي لا يهمها الصرف على السيارة وبعدين تغييرها باي ثمن في خلال سنة او ثلاث....
من الاسباب التي اراها في غاية الاهمية في نزول سعر السيارة بخلاف ما سبق هو الرغبة الملحة للتغيير باي شكل ومش عارف اللي بيشتري بي ام وعايز يغيرها بعد سنة عشان يجيب ايه؟ مش عارف؟؟..وطبعا كل شوية يقعد ينزل في السعر ينزل في السعر لحد ما يبقى في الحضيض ...
انا شفت بي ام مو 2008 525 معروضة في كونتكت ب 285 الف(560 زيرو) وشفت 530 مو 2005 ب 285 في الوسيط (زيرو 685 الف) تخيل الفرق والخسارة التي يتحملها مالك السيارة وعن طيب خاطر لا لشئ الا لمجرد التغيير والتخلص من السيارة ..ليه؟؟(
) مش عارف!!..مفيش سبب منطقي ..طيب هيجيب ايه افضل من البي ام..مش عارف؟؟ ..واحيانا تلاقي في الاعلان يقولك للبدل باصغر.........شئ مستفز ...الكلام ده بيحصل ايضا للمرسيدس والباسات ...باسات 2009 هاي لاين ب220 الف(زيرو 262 الف) ليه بيبعها ؟؟؟طيب ليه جابها مادام عايز يبيعها بعد سنة ..حاجة تغيظ ايضا ...السيارات الفارهة ديه عشان الواحد ميخسرش فيها لازم تقعد معاه فترة لا تقل عن 10 سنوات ..
ايضا من ضمن الاسباب هو دخول البنوك بقوة في موضوع التقسيط ..يعني الواحد يقولك اجيب زيرو احسن ما اجيب مستعمل وادفع كاش... واللي هدفه في العربية المستعملة ادفعه مقدم...لذلك المعارض بتقسط المستعمل.
تقبلوا تحياتي