- انا لو مكان حضرتك هاجيب اللوجان
- اللوجان فى الشكل بالنسبالى افضل من الفيرنا اللى قتلت بحثا و بقت مع كل الناس
- اللوجان فى الارتفاع عن الارض لا يعلى عليها عكس الفيرنا اللى فعلا واطية
- الاوبشنات بتاعة اللوجان بالنسبة لسعرها تعتبر كويسة جدا ( بالرغم من ان اساسا كل العربيات تعتبر غالية اوى فى مصر)
- الصاج بتاع اللوجان افضل من الفيرنا
- انا ركبت الاتنين اللوجان شايفها اوسع من الفيرنا بس الفيرنا برده مش ضيقة من الداخل
- موضوع الانتشار بقى و قطع الغيار عن البقال فحضرتك لو بصيت فى الشارع كل يومين هاتعرف ان اللوجان فى تزايد جامد و فى خلال سنة هاتبقى قطع الغيار منتشرة و باسعار جيدة
- الفيرنا فى السرعات العالية وحشة و كمان موتورها مغرى يعنى يخليك تجرى بيها و متحسش و ده خطر لكن اللوجان مشينا بيها فوق ال 100 و كانت جيدة جدا و فى طريق وحش
- تكييف الفيرنا افضل من اللوجان بس ده مش معناه ان بتاع اللوجان وحش
و ده رايى الشخصى جدا برده
