المشاركة الأصلية كتبت بواسطة mmffor
المشكلة ان كل العربيات في الفئة دي مش حتكون معقولة بمفهومك! لانك جديد في السيارات! مثلا واحد صاحبي جاب 127 بحالة ممتازه مره راح مشوار بيها جيه يدورها و هو راجع مرضيتش تدور المهم بعد محاولات عده اضطر انه يروح يجيب ميكانيكي طلع فيها الابلاتين لادع الميكانيكي راح مصنفره راحت دايره علطول! العربيات القديمة دي مشاكلها كتير بس هبله!!! يعني لو انت بتفهم شوية في الميكانيكا او العربيات حتركب عربيه ب 8 الاف جنيه و حتبقى مبسوط و مرتاح لانك حتعرف تعمل ايه بأيدك و تتصرف ازاي لو حصل حاجه كده او كده بس لو انت جديد في السواقة و ميح في الميكانيكا كل ما تحصل مشكلة حتعطل و تقعد تدور على ميكانيكي او كهربائي! ممكن تيجي تدور العربيه مترضاش تدور مش حنفكر تضرب على الاطاش أو تقرط عليه! ( غالبا هي دي المشكلة) على عكس العربيات الحديثة اللي شغاله على حساسات و كمبيوتر نهارك اسود لو لخبطت او مرضيتش تدور! تعويرتها مش بطقم كهرباء ب 30 جنيه او ميكانيكي ب 20 جنيه! لأ ممكن حساس ب 300 جنيه! كشف كمبيوتر ب 150 جنيه! و هكذا! نصيحتي شوف 127 باساسيات سليمه (شاسيه و قوايم فابريكه) و موتورها سليم ( اكشف على كبس الموتور فوق ال 85% ) و غير لها سيور كاملة و فلاتر و طقم كهرباء و تيل فرامل و اسطوانة و ديسك لو محتاجين و غيرها سلك اكسراتير و سلك دبرياش و غيرها قواشيط جداد و بعديد رصص و اضبط زوايا (المشاكل اللي ممكن تحصلك متعلقة بالحاجات دي)
|
جزاك الله خيرا على الرد الوافي
ولكن لانني مازلت مبتدئا فانا محتار وفي نفس الوقت خايف اني احط الفلوس في حاجه و بعدين تطلع مقلب(بالنسبه لي طبعا) وفي بعض الناس قالولي زود لحد 18000 وممكن تجيب 131 او ريجاتا تكون افضل
فما رأي حضرتك (اسف جدا على الاطاله بس ربنا يكفيك شر الجهل بشئ)