[alymonir]

المشاركة الأصلية كتبت بواسطة citroeen ياباشا والله كتبت بس باين مخدتش بالك والله كتبت اهو بص يا اخ على باشا وتعبك معايا معلش صدقينى اول حاجة: سيبك من 130 خلينا مثلا لغايت 115 وممكن اقسط على سنة او سنتين الباقى تانى حاجة: اهم حاجة اعادة البييع والسيارة محبوبة ومافيهاش عيوب جامدة فى الصناعة تالت حاجة: قطع غيار رخيصة ومتوفرة رابع حاجة: بلد المنشا كورى والصينى مش وحش بس خايف اعادة البييع بس كدة دة الى بفكر فى وكمان عايزها2011 و مش 2010 عشان لسة فى انواع عربييات منزلتش 2011 و الله واعلم هتنزل و لا فاخلينا فى الحاجات 2011 و لو فى 2010 و مش هينزل منها 2011 ممكن بردة التفكير فيها وشكرا وصدقينى ياعلى لسة مقرقتش على حاجة وعاوزكم تساعدونى

معلش العتب على النظر
1- طالما مبدأ تقسيط الفارق موجود يبقى ممكن نعلى شوية في الميزانية , طب لحد كام خلينا نقول مثلا 145000
2- أنا رأيي خليك في الياباني لو قدرت
3- لازم تحدد عايزها مانيوال ولا أوتوماتيك لأن بعض السيارات تفرق كتير في السعر
4- بالنسبة لإعادة البيع و عدم وجود عيوب في الصناعة يبقى تبعد عن الصيني و تغنيله لأن إعادة بيعه زفت و عيوب الصناعة و رداءة التقفيل شيء مضمون
5- بالنسبة لرخص قطع الغيار دة شيء نسبي لأن ممكن تلاقي قطع غيار رخيصة و لكن غير معمرة فبالتالي في المحصلة النهائية لن تكون موفرة إطلاقا ( دة غير القرف ووجع الدماغ عند الميكانيكية )
6- لو عايز موديل 2011 رأيي تستنى معرض فورميولا الأهرام حتلاقي فيه عروض كثير جدا
لو مش حاتفرق معاك اليومين دول فيه عروض على موديلات 2010
الخلاصة :
أنا أرشحلك الاتي بالترتيب
1- تويوتا كورولا بلا منازع 1600 CC أوتوماتيك لأن فيها كل المميزات اللي انت ذكرتها
2- مازدا 3 الجديدة
3- شيقورليه كروز هاي لاين
4- كيا سيراتو SX 2011