رد: ممكن مساعدتكم والاجر والثواب عند الله
صديقى العزيز
لا ياعم بقى هاخلى الثواب عند الله انما هاخد اجرى منك ياسيدى
اجرى هو دعوة حلوة بنسة صافية لعل الله يستجيب منك
شوف ياسيدى من الاخر ومن غير ماتتعب دماغك ولا تحتار
1- شوف يوم انت تكون فيه اجازة وفاضى
2- تسئل اصحابك فين احسن عفشجى و ميكانيكى قريب منك
3- تتوكل على الله وتنزل لاى محطة بنزين فيها ضبط زوايا وخدمه عفشة وتقول للصنايعى عاوز اظبط زوايا واكشف عفشة وتخلى الراجل يقلك على العيوب الى فيها من حيث العفشة
4- بعد ماعرفت العيوب تكتبها فى ورقة
تروح للعفشجى الى رشحولك اصحابك وتقله انا بسمع فى العربية كذا وكذا منغير ماتقله على العيوب بنفسك وسيبه هو يقلك الاول وقله معلش اركب معايا وسيبه هو يسوق
5- جرب العربية بعد مايخلص شغل ولازم تاخد معاك وانت بتجرب - لو خلاص العيوب بفضل الله راحت
6- اطلع على الميكانيكى وخليه يظبطلك كهربا وتاكيهات ودبرياج وكرببراتير
7- روح بتكم وارتاح لانه كان يوم طويل ومتعب
8- بعد ما ارتحت انزل خد عربيتك واتمشى بيها على الهادى واستمتع بيها واشكر ربنا واحمده على نعمته وهيص يا معلممممممممممممممم
|