بريق العرض
فى الحقيقه عملت المداخله دى حالا فى قسم البيع بالمنتدى
وعجبتنى الصراحه
لقيت عنوان موضوع بيقولك
ألحق ألحق ألحق ......السيارات حتخلص من السوق
وكان هذا هو رد فعلى
______________________
المداخله
هو فعلا شراء المستعمل مقلق شويه
ووسائل الترغيب كتير بيلجأ ليها بعض الماكرين من عارضى سيارتهم للبيع
أنا مش بقول كلهم علشان محدش يزعل من كلامى
ووسائل الترغيب كتير أوى للأسف
1- يقولك العربيه أستعمال طبيب .....وأيه يعنى
طبيب مش طبيب ...
طالما بيسوق العربيه ...فهو وقت السواقه سواق
2- العربيه أو يد ......وأيه يعنى
مايمكن اليد دى مكنتش محافظه عليها ولا بتواليها بالصيانه
3- ببيع لظروف السفر ....وجالى عقد عمل فجائى
وأيه يعنى .....مايمكن دى حجه للضحك على الذقون
4- العربيه بيتى وأستعمال سيده
وأيه يعنى ....هى السيده مش بدوس برضه على 3 دواسات
ولا بتحطها فى الصينيه بالتلاجه
5- العربيه راشه نظافه وتلاقيها موديل أمبارح
وأيه يعنى
بأه لحقت تتوسخ ........!!!!!!!!!!!!!!!
أكيد فيها إن وأخواتها
وغيره من وسائل الترغيب
يبقى أيه الصح والمفروض أنا أعمله كراجل ناوى أشترى سياره
مستعمله
ولا أدى الكلام ده أى أعتبار
أشوف وأرفع العربيه وأفليها ( مش حلوه أفليها دى )
قصدى أأقلب فيها زى ما أنا عاوز
ومعايا واحد معلم من تبعى
حتى لو جبت معايا ميكانيكى
وروقته بقرشين كويسين
وأنا والبضاعه وسعر السوق
غير كده
يبقى أنا بأرمى فلوسى فى الهواء الطلق
__________________
قال رسول الله 
إن الله ليملى للظالم ............حتى إذا أخذه .....لم يفلته
صدق رسول الله
___________
م/سمير
|