رد: ملاك المتشوبيشى مبسوطين بالتوكيل الجديد ولا زعلانيين ؟؟
انا ليا ملحوظه حسابيه صغيرة جدا جدا!
انا ملاحظ ان الشباب هنا لما بييجوا يقارنوا سعر عربيه يقارنوها باسعارها في الخليج و على سبيل المثال يقولك: الانسر البومة انا شفتها يتتباع في الحبتور للسيارات في الامارات ب 35 الف درهم فل اوبشن اوتوماتيك يعني 35 * 1.5 = 52.5 الف * 40% (جمرك)= 73.5 الف * 15% (ضريبة) = 84.5 * 3% (سيف وارد) = 87.5 الف جنيه بعد كل الكلام ده!!!! + 3 الف شحن + 5 الف مكسب = 95.5 الف جنيه! امال ليه التوكيل بيبيع الاوتوماتيك ال 1300 ب 110 الف هنا؟؟؟؟ بزيادة 15 الف جنيه!
انا لما بشوف الحسبة اللي اخواني بيعملوها بفكر من وجهة نظر مختلفة! اولا هما خدوا السعر الاساسي من سعر التوكيل في الامارات او السعودية هوا التوكيلات دي لما جابت العربيه من اليابان مكسبتش فيها و مدفعتش مصاريف شحن؟؟؟ اكيد طبعا دافع كل الكلام ده!!!!! يعني اي حد بيحسب لازم يشيل ال 8000 بتوع الربح و الشحن ( المفروض يتشال نسبة من الجمرك و الضريبه كمان لان التوكيل في مصر بيجيب العربيه بالسعر الاساسي او الجملة )
يبقى توكيل عادي نسبيا في مصر بيكسب 15+8 = 23 الف جنيه مصري في العربيه الواحده بعد حساب كافة المصاريف اللي عليها!!! ده غير المكاسب المهولة في قطع الغيار و الصيانة! يا جماعة و الله اغلب المصنعين العالميين بيقلبوا قلبة سوده و بيكرهوا اليوم اللي صدروا عربيات لمصر فيها لما بيحسبوا لتوكيلاتهم هنا في مصر ارباحهم في العربيه الواحدة و يلاقوها ييعدى ربح الشركة الام المصنعه للعربيه نفسها!!! ده لازم يجيلهم نقطه مننا!!! و بعد كل ده يلاقوا وكلائهم مش عاجبهم النهب ده كله و كمان بيسرقوا في قطع الغيار و مصاريف المصنعيات لانه حاسس انه معرفش ينهب كفاية في السعر فالبيه بيعوض خسارته!!!!!!
|