[بدر بسيونى]

انا حابب اتكلم تقنيا

النيسان صنى محركها نوعه DOHC 16-valve, 4-cylinder, in-line وسعاته 1597 سى سى يولد 118 حصان عند 6000RBM ووزن السيارة الاتوماتيك 1120 كجم

فى حين الاكسنت موتور 1599 سى سى مكون من 4 سليندرات يولد 112 حصان عند 6000 RBM واقصى عزم له 145 نيوتن متر عند 4500 RBM ووزن السيارة 1071 كجم تقريبا


فبوجه عام محرك النسيان اقوى لكن بالاخذ فى الاعتبار فرق الوزن بين السيارتين حنلاقى ان تجميع الاكسنت افضل نتيجة لخف الوزن بالمقارنة بالصنى



فى حين على الصعيد الداخلى الاثنين وسعهم الداخلى مش كبير لكن طبعا الصنى اوسع من الاكسنت بلا ادنى شك

من حيث التقفيل الكفة تميل للاكسنت خصوصا انها كورى تقفيل بلدها فى حين الصنى تجميع مصرى تم وقف انتاجها فى بلد المنشأ زى الفيرنا فى هيونداى والانوس فى دايو او شيفورليه حاليا


ومن حيث انتشار قطع الغيار خارج التوكيل وسهولة الصيانة الاكسنت كفتها ترجح لان انتشار هيونداى بوجه عام والاكسنت بشكل خاص الانجح فى فئتها برغم ان الصنى مؤخرا انتشرت بصورة قوية

سعر اعادة البيع للهيونداى اكسنت اقوى ممن الصنى

فبوجه عام لو العربية اسرية واستخدامك جيد ومش حتبهدل العربية هات الصنى لو استخدام قوى للعربية هات الاكسنت عشان قطع غيارها ارخص من الصنى

ولو عاوز تبدلها كمان كام سنة يبقى الاكسنت تكسب وبالتوفيق