رد: التخفيضات الجمركية توقف إنتاج مرسيدس وبى أم دبليو فى 2015
انا مفهمتش حاجه من المقال بصراحه! شويه بتتحدث عن سنة 2015 بصيغة الحاضر و شوية بتتحدث عن الحاضر الفعلي و التوقعات و الامال ! انا تهت! جايز انا اللي نعسان و عايز انام بس والله ما اكلتش فول خلال ال 5 ساعات اللي فاتوا ( بس كلت فول قبليهم طبعا) يمكن الفول في السوق بقى مغشوش و مفعوله بطيء شويه!!
عموما المقاله هدفها بسيط و هو مناقشة وضع مصانع ( او كما يطلق عليها مصانع و لكنها في الحقيقه ورش تجميع) بعد الغاء الجمارك عن الاوروبي! و انا حقول ما هو الوضع .
بما ان رجل الاعمال او المستثمر المصري جشع و يهمه المال و الماده حيفكر شوية و يقول طب انا فاتح الورشه دي علشان اوفر ال 40% بتوع الجمرك و احطهم في جيبي ما دام كده كده الحكومة وفرتهم عليا من غير ما اشغل 200 عامل طب لزمتهم ايه بقى! و حيقفل المصنع بتاعه و يطرد كل العاملين! و بكل بساطه حيفضل يبيع بنفس السعر تحت حجة انه الوكيل الرسمي و مركز الصيانه الوحيد المعتمد من الشركة الام ولجل الورد ينسقي العليق! لو عايز ضمان و توفير قطع غيار برضه حتدفع ال 40% دول لان معظم البي ام و المرسيدس اصلا معليهوش جمرك ال 40% لانه تصنيع محلي ! فللاسف اخواني اقولكوا انه التوكيل استحاله يخفض سعر البي ام و المرسيدس بالذات لانهم اساسا بدون جمرك! ولا عزاء للمشاهدين
|