هل تريد التعرف على كيفية تغيير طلمبة الزيت لأى محرك
1- أفتح الكبوت وشيل مقاس الزيت من المكنه
2 - دور المكنه لمدة دقيقه تقريبا
3 - أرفع العربيه من الأمامى بالكوريك مع وضع سنادات أمان للأجناب
4- شيل غطاء تعبأة الزيت
5 - حل طبة الزيت
6- أنتظر لتفريغ كل الزيت من الكارتير فى وعاء أستقبال للزيت
7 - أبدأ فى حل مسامير تجميع غطاء كرتير الزيت على البلوك من أسفل
8- شيل غطاء الكرتير لكى تتمكن من التعامل مع جوان الكرتير وبقاياه
9- طبعا حتنظف بقايا الجوان من على الغطاء ومن على البلوك من أسفل
لأننا حنركب جوان كرتير جديد
مع مراعاة عمل نظافه داخليه للأماكن التى تستطيع الوصول أليها
10- حتبص تلاقى الطلمبه بمصفة الزيت أمامك كما بالشكل
11- حل مسامير تركيب الطلمبه على البلوك من الداخل وركب الطلمبه الجديده
ممكن تستعمل المصفاه القديمه لو حالتها جيده أو تغيرها بمصفاه أخرى
12- حتركب جوان كرتير كرتير جديد على غطاء الكرتير
13 - ركب غطاء الكرتير بجوانه على البلوك من أسفل
14- حترجع تضيف زيت من فتحة الملو بعد تركيب طبة الكرتير لأننا كنا حالينها
وأحنا بنزل الزيت
15 - بعد وضع الزيت وتركيب الغطاء حتبدأ تتعامل مع قياس الزيت وتدور مكنتك
وأنت واقف وتتابع الآداء
قبل الأنطلاق لتجربة السياره
16- بعد عمل مشوار بسيط أرجع وأعد قياس الزيت للأطمئنان على نجاح المهمه
