رد: الحكاية من البداية برجاء عاوز متخصص يفيدنى وله الدعاء والشكر
مش عارف الصراحه
عموما ممكن تعمل جوله عند بتوع الأستيراد
ومعاك ميكانيكى ( ثقه )
يكون نفذ الموضوع ده قبل كده
بموتور بحجم موتورك ( نفس المواصفات تقريبا )
أو تدور على موتور زى موتورك بحاله كويسه
الموضوع وكل مافيه
أحنا مش عاوزينك تتعرض للأفتاءات وتخسر على الفاضى
وتلاقى واحد مركبلك موتور 1600 سى سى
على عفشة عربيتك المصممه للعمل على موتور 1100 سى سى مثلا
ومتنساش أن فيه عمر أفتراضى كمان لمكونات العفشه
إللى شغاله معاك من زمان
______________
فأذا كانت العربيه ككل وهى بعافيتها بيشدها موتور 1100 سى سى
فهل يعقل وهى خلاص بدأت تتعب أاقوم أشدها بموتور 1600 سى سى
طيب كنا نفكر فى الكلام ده والبدن وشاسيه العربيه لسه بعافيته
دا لو كان ده صح من الأساس
لأن أى وحده زى بدن العربيه بيكون مصمم لها موتور بسعه لتريه وقوه معينه
_________________________ ____
حبسطهالك كمان شويه
نفترض عندنا عربيه كارو على القد بيشدها حمار حصاوى صغير
وهى يادوب عجلها وأساساتها على قد الحمار الحصاوى
والعربيه دى ( الكارو طبعا )
خلاص بدأت أساساتها تلخلخ ( بسبب عمرها الأفتراضى وده شىء طبيعى فى أى حاجه مصنوعه )
فهل ينفع
أروح جايب حصان فى عز شبابه وأقرص عليه
وأقوله شد العربيه الكارو الملخلخه دى
أيه تتوقعه ممكن يحصل
ممكن تلاقى الحصان وهو بيشد بقوته وعزمه الكبير
راح خالع عريش العربيه الكارو
وكل حاجه بأت فى جهه معينه
__________________
قال رسول الله 
إن الله ليملى للظالم ............حتى إذا أخذه .....لم يفلته
صدق رسول الله
___________
م/سمير
|