بص ياجميل الفرق ما بين العاده والفاير ان مواتير الفاير احمي من مواتير العاده يعني الفاير تجميع سرعه اسرع من العاده
و ال RR معناها real response الاستجابه الحقيقيه
دي صوره لل 250 عاده
ودي ال 250 الفاير
لاحظ الفرق بين الصورتين
اولا في العاده بتلاقي الجنط علي 3 ريشه في الفاير علي 6 ريشه
ثانيا الهيدر وعلبه الشكمان في العاده غير اللي في الفاير ده بالنسبه للعلب الاوريجينال مش التعديل
ثالثا العاده بتبقي علي واحد ماستر لكن الفاير علي 2 ماستر
رابعا بص علي الفاير في اربه لو غطاها برتقالي تحت الكرسي مش موجوده في العاده
خامسا بص علي وش الموتور في العاده هتلاقيه فتحته اوسع من الفاير
سادسا من ناحيه الفوانيس هتلاقي الفاير الجمجمه قريبه من الرفرف الامامي علي عكس الفاير وده اصلا لانه بيدها نوع من الاتزان علي السرعات
سابعا حاجه مش واضحه اوي بس للعلم برضه مفتاح شنطه الفاير بيبقي من فوق الشنطه لكن العاده بيبقي من بدايه الكرسي فوق كرسي السائق بالظبط
ثامنا بص علي العاده من ناحيه الديل هتلاقيها اكبر حاجه بسيطه من الفاير
نيجي بقي لل400 العاده
وال 400 الفاير
لاحظ الفرق بين الصورتين هو مش كبير اوي لكن واضح
اولا منظر الديل من ورا شكله واضح انه مختلف
ثانيا الجنط مختلف
ثالثا الفاير اوطي حاجه بسيطه من العاده
رابعا حاجه مش واضحه برضه موجوده في العاده ومش موجوده في الفاير وهي لمبه سبيد فوق عداد الكيلو متر وده بينور نور احمر بعد سرعه 90 ك