الحكاية من البداية برجاء عاوز متخصص يفيدنى وله الدعاء والشكر
عندى عربية زاستافا 128 موديل 81 اتنين باب حينما حاولت ابيعها كله ضربلى فى سعرها ونزله الارض بحجج كثيرة فى الموتور والموتور تاعبنى من عدة نواحى اولا انه بيعرق زيت وفيه دخنة سودا بدات الاحظها وكمان لما كنت بدوس ديبرياج كنت بسمع طقطقة ففى ميكانيكى قلى الكرانك من تحت عمال يلعب مش ثابت فالموتور عاوز عامرة فانا قررت بعيدا عن مناكفة الصنايعية وقرفهم انى اجيب موتور استيراد نضيف بخيره وربنا يكرمنى فيه فكان فى فى دماغى شوية اسئلة كده ارجو من متخصص بس اللى يجاوبنى
اولا الموتور هو 1100 سى سى فى ميكانيكية قالولى انه 1300 عموما بعيد عن هذا وهذا هو نفس موتور ال128 بظبط ولكن فيه مشاكل كتير انه بيسخن وموتور تعبان من الاخر فكنت بسال هل ممكن اركب موتور لعربية تانية على عربيتى ولو ممكن ايه هى الانواع وهل ده هتبقى ايه الفوايد والعيوب منه وبجد انا نفسى ابعد عن موتور الزاستافا ده خالص لانه ورانى الويل علما بان عربيتى لها نفس حجم الزستافا الاربعة باب بظبط وتقريبا نفس حجم الكابوت الامامى ل128
ثانيا هل بيحتاج ميكانيكى معين ولو حد عنده ميكانيكى امين وابن حلال وهو متعامل معاه كتير ياريت يرشحولى وليه الثواب ويكون بيفهم كويس لانى غلبت مع دماغهم
ثالثا الاسعار كاملة لو حد يعرفها والاماكن اللى ممكن اجيبه منها وازاى اجربه واتاكد انه سليم مية مية
واللى هيساعدنى بجد ربنا يكرمه عشان ربنا هو العالم بالحيرة اللى انا فيها
|