[ziabassem]

أستاذ / Meemo The Beast

عاوز أوضح لحضرتك نقطة في موضوع التقسيط الإسلامي واللي مش أسلامي .. الفرق بينهم أن اللي بيقسطلك بطريقة إسلامية بيشتري العربية وبتبقى بأسمه وفي حوزته (بيبقى مالك للسلعة أي كانت مش شرط تكون عربية) ومبيجبركش أنك تعمل تأمين أجباري على العربية .. وتقريباً (مش متأكد من الموضوع ده) بتكون الرخصة باسم البنك أو الجهة الممولة حتى سداد أخر قسط .

أنما التقسيط الربوي .. بتكون فيه الجهة الممولة مجرد وسيط .. يعني بيبعلك سلعة مش ملك ليه .. وبيدفع فلوسها بالكامل للمالك الأصلي .. وبعد كدة بيتعامل معاك في الأقساط والفوائد .

والله أعلم .. ممكن أكون مخطئ في رأيي ده

على فكرة أنا مبحبذش التقسيط .. لأني ماشي بمبدأ اللي معاه يلزمه واللي ممعهوش ميلزموش .

واللي بيقسط حاجة من اتنين يا أما معاه ومش عاوز يرميها كلها في حاجة معينة علشان يبقى عنده الإمكانية للتجارة في باقي الفلوس .. يا أما بيكون في حاجة شديدة أو ماسة للسلعة دي في الحالة دي هو مضطر .. إنما غير الحالة الأخيرة لا أفضل التقسيط للبعد عن أي شبهة حرام .