[sam ram]

المشاركة الأصلية كتبت بواسطة citroeen ان شركة فيات شركة عظيمة من زمان وكلنا عرفيين كدة من واحنا صغيرين منعرفش فى العربيات كنا بنشوف فيات كتير فى الشارع و النجاح الساحق من زمن طويل فى مصر و فى العالم كلة بجد اقدرها جيدا فى كل حاجة بس فى سؤال يطرح نفسة ونفسى اسائلة من زمان وجت الحظة دى واسائلة هل الفيات القديم احسن من الفيات حاليا هل 128 و 131 و 132 و 128 اسبور Abrz و 127 توب و 127 فلورا حتى فيات 1100 (قردة) لغايت الان بشوفها مستحملة وماشية ( لانشيا )من العربييات العظيمة( تنبرا) و(رجاتا) و(اونو )بجد العربيات دى بعشقها من قلبى ويمكن بعشقها دى قليل عليها بحد تستحق الاحترام حتى لو انتهى العالم كلة نيجى للحديث بقى بونتو و بارفو و برافيا و جراند بونتو و سيينا و فيات500 و ليينا و خلافة... من رائيكم من صنع تاريخ فيات وان جيل يستحق الاحترام عن الجيل الاخر و ياريت كل واحد يقول رائية بصراحة لان موضوع نفسى كنت اوقولة من زمان وهل الجيل الجديد كمل مشوار الجيل القديم واثبت ان فيات لسة موجودة ؟ وشكرا لكم

فيات كمجموعه تعتبر كيان قوي جدا فيات - لانسيا - الفاروميو - مازيراتي - فيراري
ده غير انها بتقدم في محركاتها تقنيه متجدده دائما تسبق بها الاخرين
من اول ال 128 اول عربيه دفع امامي بمحرك امامي مستعرض و حتى محرك المالتي اير المتوقع نزوله في البونتو ايفو
تعتبر افضل صانع محركات في العالم ... وده الطبيعي من الشركه الوحيده اللي شاركت في كل سباقات الفورميلا واحد منذ بدايتها واكبر حاصد للالقاب فيها كصانعين او سائقين
السياره الوحيده التي حصدت بطوله العالم للراليات 6 مرات متتاليه لانسيا
اجمل تصميم سيارات الفا روميو لدرجه ان ال 8 سي حصدت الجائزه سنتين متتاليتين
اول من قدم فئه ال MPV بالسياره مالتيبلا وموديلات كتيره جدا نالت لقب سياره العام
ففيات بلا شك شركه ناجحه كانت و ما زالت .. لكن على صعيد التقنيه و التصاميم فقط
لكن للاسف تجاريا ... فاشله
فيات لا تعرف كيف تسوق نفسها ...
فساد داخلي حتى وقت قريب
شراكه غريبه مع جنرال موتورز .. ومتعلمتش الدرس و راجعه تشارك كرايسلر او بمعنى اصح تنتشلها من الافلاس علشان كرايسلر ترجعها تاني لزمن المشاكل !!!

حتى في الفورميلا وان بيخسروا بسبب اخطاء استراتيجيه ساذجه !!




محليا ...
فيات زمان غير فيات النهارده
لسبب بسيط جدا ان فتره شركه النصر ولحد التمانينات كان الاستيراد محدود جدا و مصر عربياتها كانت عباره عن مرسيدس و بيجو و فيات
فكان طبيعي تنتشر انتشار النار في الهشيم حتى لو كانت موديلاتها فاشله و ابسط مثال الفيات ريتمو اللي اختفت تماما حاليا لكنها كانت مغرقه مصر في التمانينات وحتى بدايه التسعينات
فانتشار فيات في مصر زمان كان مرتبط بالحاله السياسيه و الاقتصاديه لدرجه ان الناس كانت بتحجز ال 127 و تستنى شهور علشان تستلمها !!

الوقت الحالي للاسف المشكله مش بس في فيات
المشكله كمان في طبيعه السوق اللي اتغيرت
اي عربيه في مصر علشان تنتشر وتحقق مبيعات لازم يتوفر منها موديلات استيراد خارج الوكلاء او خليجي زي ما بنقول
وبالتالي اغلب العربيات المنتشره هي الاسيوي ( هيونداي - تويوتا - ميتسوبيشي - ... )
وحتى الاوروبي حنلاقي اكترهم انتشارا هم الجيتا و الاوكتافيا والباسات .. ودول برضو متوافر منهم الخليجي
لكن فيات للاسف زيها زي سيتروين - رينو - وجودهم نادر في الخليج و بالتالي انتشارهم و مبيعاتهم في مصر ضعيفه جدا ... وتواجدهم الوحيد عن طريق الوكيل
وللاسف برضو فيات معندهاش توكيل قوي ... واسباب تواجدها قوه وجمال موديلاتها سواء البرافو او البونتو او اللينيا .. ده غير موديلات كتيره جدا مش موجوده
يعني مثلا مثلا السوزوكي SX4 هي الفيات سديسي ..تعاون مشترك وتصميم واحد
لكن في حين ان سوزوكي برغم قله مبيعاتها في مصر المنحصره في الفيتارا و الماروتي باعت من ال SX4
طيب ليه الفيات سديسي مباعتش ولا سمعنا عنها مع انها تصميم مشترك ... ومواتير فيات اجدع
لسبب وحيد ... فشل فيات التسويقي

انا نفسي كارلوس غصن يمسك فيات