المشاركة الأصلية كتبت بواسطة THë_int®µD£R
طيب هو فين مثبت السرعة وفين زرار البلوتوث ؟
وهل العربية فيها كاميرا فعلا من الخلف ؟
- أو بمعنى أفضل فى أية أتشال مقابل ال 6 نقلات والمريات
|
على حد علمي مفيش اي مواصفات فيها الكاميرا في مصر طبعا الله اعلم بس الكاميرا اظن بتنزل بره فقط و صاحب الموضوع بيقول السيراتو العادية فيها كاميرا بس معرفش نظام العادية ايه
و برضه مثبت سرعة على حد علمي مسمعتش عن اي واصفة فيها كده بس مكنتش حاطط الموضوع في دماغي يعني
و فعلا هي مفيهاش بلوتوث بس دي بتاعتي انا يعني فيه مواصفات فيها و مواصفات مفيهاش
انا كنت فعلا معترض لما قالولي احنا جبناها من غير الحاجات دي بس بعدين رحت شفتها و لقيت ان دي اشاراتها احلى كتير من الكبار التانيين و فيه فرق بينها و بين الـ2010 زي اللانسر كده لما 2006 قالو هيغرو شكل العربيه قامو مغيرين الشبكة الامامية بس مش فرق كبير بس ساعتها كنت تعرف الفرق بين 2006 و 2007
و كانت والدتي في الاسكندرية في الوقت ده و في نفس الوقت كانت في اجانص بتسال قالتله هي المرايات طي كهرباء و النقلات 6 قالها طبعا طبعا قلتلها طب خليه يقفل المرايات قدامك قالتله اقفلها قام قفلها بايده و طبعا فيه البلوتوث و اللايت سيستم
فمش دايما تصدق اللي عايز يبيع و خلاص
ده اللي انا فهمتو
- السعودي الوحيد اللي فيه مانع الاتزلاق ESP
- المصري انا سالت في الوكيل على حد كلام الموظفين ان 2011 مفيهاش لايت سيستم و مفيهاش بلوتوث بس نفس الشكل بتاعت 2010 رغم ان ع الموقع الرسمي مكتوب ان فيها لايت سيستم
- رغم ان الامريكي بيتصنع في امريكا نفسها دلوقتي مبينزلش عندهم التابلوه الاحمر اصلا و المفتاح البصمة و الحاجات دي بس بينزل عندهم الكاميرا و المقاعد فيها تدفئة و محرك 2400 سي سي
لو مش عايز ينضحك عليك في موضوع هي سعودي و لا غيره
السعودي فيه زرار كده مرسوم عليه عربيه ماشية على طريق مش مستوي جمب زرار اللايت سيستم و ده تفعيل او عدم تفعيل الـ ESP
و دي مواصفات التوكيل
http://kia.com.eg/images/koup.pdf
لو حد من اصحابك عنده كتالوج كيا سيراتو عادية او كوبيه استلفه و انت هتلاقي الحاجات اللي بتفرق من بلد لبلد مكتوب جمبها ( ان كانت السيارة مجهزة بذلك )
و على ما اظن ان الاصدار الجديد هي الـ6 نقلات لان في امريكا نزلت الهاتش باك قالو زودو فيها النقلات و المرايات بقت كهرباء و غيرو شكل اشارات المرايات زي دي
و هو انا مش فاهم بالظبط الراجل اللي باعهالي كان قصده ايه في الحتة دي بس بيقوللي الفرامل الـ ABS ع العجل الـ 4 بس انا عملت نفسي فتك و قلتله واااوووو
و طبعا من الصور الفتيس مختلف و في خط مستقيم مش زيجزاج و الستيب ترونيك النقلات ممكن من الفتيس او من الـ+ و الـ- اللي ظاهرين ورا الدريكسيون في الصور
انا اظن كده قلتلك كل اللي انا عرفته و انا بدور و ربنا يوفقك بس انا من رايي العربيه ما شاء الله عليها كويسه جدا و ميزتها انك بتجيبها مش بتبقى عايز تزود عليها حاجة لا جنوط و لا سبويلر و لا اي حاجة
و حاجة تانية مش كل حاجة تقراها تصدقها لان انا كنت بالاقي حاجات غريبه في الجورنال و لما تروح تشوف بنفسك تلاقي الكلام اتغير انا حتى لقيت مرة واحد كاتبلك كوبيه معاها زينون قلت بسسسسس هي دي اللي انا عايزها كلمت الاجانص قال غلطة مطبعية
عيوب العربيه : في الاول ناشفة شوية بس هاتتعود عليها بعد 3 او 4 ايام و بعد ما تلين خالص هاتبقى نعمة اوي
كل لجنة هاتعدي عليها هاتوقفك لان الازاز اللي ورا صغير و الفرش اسود فهيحسوه فاميه في الحالة دي لو فيه ورق جمرك ع الازاز اللي ورا ارجح انك تسيبه و تقول لصاحب الاجانص ميشيلوش عشان يبقى واضح ان ده مش فاميه ( الا لو ثبت فاميه ع الرخصة )
و آسف ع الاطالة