رد: اشتريت سيارة 127 الفتيس تقيل اول فى الغيار الاول ما الحل
معظم مشاكل الغيارات في الـ 127 و الـ 128 بتكون ناتجة عن ضبط الملعقة بتاعت الفتيس و هي جزء وسيط بين العصاية و الاكس اللي بيدخل علي الفتيس و ده حاجة بسيطة جدا و الميكانيكي بينام تحت العربية و بيعمل اللازم في دقائق و القصة كلها في رجلشة و ضعيتها ثم رباط مساميرها ثاني
أما (مع احترامي لاراء الزملاء ) لو كان العيب في الدبرياج (ديسك و اسطوانة ) فده بيكون له اعراض ثانية مثل ثقل دواسة الدبرياج او الغيار بيزعق اثناء النقل حتي لو كنت دايس دبرياج علي الاخر
و لو كان عيب زيت يبقي هتحس بخشونة في حركة العصاية في كل الاتجاهات مش بس مع الاول .
و برضه الحذر واجب ،،، مش هتخسر حاجة لو كشفت علي مستوي زيت الفتيس و زودته ان لزم الامر تحسبا لأي مشاكل اخري
و ابقي طمنا عليك
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته
الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
|