المشاركة الأصلية كتبت بواسطة faten6
السلام عليكم و رحمة الله , طيب الاسبراي ده اسمه ايه ؟ و كيف استعمله يعني كيف ارشه علي الكاربيراتير؟ و ممكن الاقيه يباع عند البنزينه وللا فين؟ و جزاك الله خيرا .بوركت أخي الحبيب و في انتظار رد أخي حبيب الناس. فعلا! لا خاب من استشار.
|
وعليكي السلام والرحمة والاكرام...
الاسبراي اسمه منظف كربيراتير وتجيبيه من اي محطة بنزين فعلا او بتوع اكسسوارات العربيات...
يترش بالطريقه الآتيه
الاول هتفكي عمة الكربيراتير تماما(اللي فيها فلتر الهوا)
وبعدين رجي البخاخه ورشي شويه على البوابات والعربية مطفيه
ودوري العربية
ممكن العربية متدورش من اول مره لكن دوريها
بعد اما تدوريها
امسكي سوستة البنزين اللي في الكربيراتير او خلي حد يقعد في العربيه ويزود بنزين ورشي شوية
ممكن العربية تطفي منك
ده حاجه عاديه متقلقيش استني شويه ودوري تاني وزودي البنزين ورشي كمان
كرري العمليه بحيث تخلصي تلت البخاخه بالطريقه دي
ووكده تنتهي العمليه....
في حاجه لو عملتيها برضو هتدي نتيجه افضل
قبل متقومي بالعمليه فكي البوجيهات من مكانها ودوري بالمارش تلات مرات كده وبعدين اعملي العمليه كلها
وان شاء الله كل حاجه تبقى تمام
في حاجه كمان
لو لاحظتي اثناء العمليه ظهور دخان اسود من الشكمان برضو ده حاجه عاديه لان دي الشوائب وتم حرقها...
ممكن تتفرجي عالموضوع ده برضو
http://www.masrmotors.com/vb/showthread.php?t=25236
تحياتي