[hm414]

السلام عليكم
مش عارف ابدأ منين ولا اقول ايه
لكن في الحقيقه الواحد بيمر بمواقف يندى لها الجبين

في حوادث ومصايب بتحصل نتيجة اخطاء حقيقيه
يعني واحد نام في الطريق ولا واحد مشي بسرعه جنونيه...

اما ان مصايب تحصل بسبب تعمد من البشر واستهتار غير عادي ده محدش يرضاه والله

انا كنت من شويه خارج المنزل
عشان اصورلكم المنظر
الشبوره عاليه جدا
مش بتشوف من الطريق اكتر من مترات معدوده امامك
انوار الطريق كانت مطفيه(طريق مصر اسماعيليه الصحراوي عند السندباد)

انا كنت على ناحية القادم من اسماعيليه وقبل السندباد
في هناك سوبرماركت خير زمان وده كان مرادي ونزلت من البيت عشان اروحه
المهم
وقفت عنده ودخلت
شويه ودخل عسكري
بيقول ياجماعه حد له عربية راكنها عالناحيه التانيه؟؟؟

المهم قعد يقول ياريت بسرعه حرام كده خليه ييجي بسرعه

طبعا الكل بيسأل على صاحب العربية (مع مراعاة اساسا ان السوبرماركت مش صغير ومفيش حد في الوقت المتأخر ده...)

انا في الاول قلت ممكن عشانه كده راكن على حدود المطار وهما خايفين ولا حاجه

المهم لقوه جوه وحضرة الباشا جه بيقول في ايه

العسكري بيقولو حد يركن كده!!!

تخيلو الاخ الباشا الكبير البرنس في شبوره زي اللي بقولهالكو دي راكن فين؟؟؟؟!!!!!

















الباشا رامي العربية عالخانه الاولى (اقصى الشمال) من الطريق (على الناحية التانيه قصاد خير زمان) وطافي جميع انوار العربية ولا حتى انتظار ونازل السوبرماركت!!!!!!!!!!!!!

وصل الاستهتار للدرجه دي؟؟؟؟
العسكري بيقوله طب اركن على اليمين ده حتى الشارع مش منور طب سيب الانتظار
يرد ال..... يقول ايه
يقوله وهواانا اللي طافي انوار الشارع!!!!!!!!!!!!!
كلمو شركة الكهربا ينورو الطريق
فالعسكري بيقوله يابيه انا مش خايف عليك ولا على عربيتك الطريق بتيجي فيه تريلات وناس مسرعه والدنيا مش باين حاجه ومش ناقصه مصايب
راح الاخ ال .......... مزعق للعسكري وزعلان!!!!
حسبي الله ونعم الوكيل فيه وفي اللي ركبه عربية

اولا العسكري ده عسكري شرطه مرابط في المكان ده علطول ومش شغلته اساسا يشوف مين راكن
العسكري بكلمه بيقولي انا والله شفت العربية راكنه كده قلت فيها حد تعبان ولا عطلان وراح يجري عليه يساعد

ويطلع الاخ حاطط في بطنه بطيخه صيفي وبيلف في السوبرماركت على زبيب!!!!
حسبي الله ونعم الوكيل والله

حد شاف مستهتر زي ده قبل كده؟؟
انا والله لو مكانش معايا عيلتي كنت ممكن اعمله حاجه في عربيته عشان ميركبهاش مره تانيه
ميستاهلش اساسا يركب عربية ده ولا حتى يستاهل انه يعيش....


معلش انا دمي محروق لاني قبل كده وعلى نفس الشارع كنت هلبس في واحد راكن بنفس الشكل ونفس الظروف تقريبا والله المستعان....



تحياتي