[خالدخليفة]

شوف يادكتور

انت لانك بتركب قطارات على خط هادى نسبيا فيعتبر مشفتش حاجة وخصوصا ان القطارات دى مفيهاش اصلا شرطة
وللاسف هذا الكلام لايحدث الا فى قطارات الشعب (الغلابة / العادية / المميزة )

و لما تركب قطار مثل قطار 27 والذى يقوم من القاهرة 3ونص العصر الى الاسكندرية تجد العجب العجاب
شتاء ....هذا القطاريؤذن المغرب بعد طنطا وحاليا فى طنطا لانه اصبح مراكز ويكون مزدحما جدااااااااااااااااااااااا اااااااا فهو يقوم من القاهرة وقت الذروة وخروج الطلبة والموظفين
وفى عهد منصور القذر كانت هناك تعليمات بمسير القطارات مظلمة حتى ينفر منها الشعب ويتم بيعها
ولكن نظرا لان الغلابة لايعنيهم النور فى شىء ...... المهم انه يروح البيت بالسلامة فلم ينفر احد وخصوصا ان اشتراك هذا القطار حتى الاسكندرية 65 جنيه فى السنة وحتى طنطا 30 جنيه فى السنة للطلبة طبعا
ودائماا كنت اسافر فيه واقفا حتى طنطا واحيانا حتى الاسكندرية واقفا
طيب :....ليه المقدمة الطويلة دى
أقول لك
للاسف هذا القطار والقطارالذى يسبقه الى الاسكندرية (21 )يقوم 2 ونص ظهرا)والذى يليه (199 /ويقوم 3 ونص الا خمسة ) كلهم يؤذن المغرب عليهم فى الطريق ويركب طلببة الجامعة من طنطا الى الاسكندرية
وانا رايت مهازل فى هذه القطارات ومنها ................ومثل ................
وكأننا فى امريكا مثلا او يمثلون فيلم جنسى والعياذ بالله
بلا اى حياء ولا خجل رغم انى حتى وقت قريب كنت حين تمسك زوجتى بيدى فى الشارع كنت امشى خجلا رغم انها زوجتى
واذكر مرة ركب رجل وابنته وكانت شابة والقطارطبعا مظلم وكان يبحث عن كرسيين والقطار شبه فاضى ولكن كان يبحث عن احد محترم يجلس بجانبه فكلهم شباب وهو خايف منهم على بنته وجلسو بجوار ى وسار القطار وفوجئت باحدهم فتح جهازه المحمول على فيلم جنسى واصوات سيئة وكان الراجل فى نص هدومه وانا ركبنى العصبى وقمت اتخانقت معاهم وكانت حكاية طبعا لم احكيها هنا لانها تكسف و الواحد اختصر تلتينها لانها تكسف بجد بجد
وانا حكيت هنا عن النشل والمخدرات واما الدعارة لم احكيها لان حكاياتها تحرق الدم وتكسف ومتتحكيش