[mercedes]

السلام عليكم و رحمة الله و بركاته

أنا شايف أننا لازم نفصل تماما بين صدور أحكام القضاء و بين تنفيد أحكام القضاء و يعنى مش المهم أن القضاء يحكم , لكن المهم أن الحكم يتنفد و ده بيفكرنى بمرة, من زماااااااااااااااان فى عام 1995, كنت لسه غر سادج فى سنة أولى طب و كان عندنا قطعة أرض عليها مشاكل و والدى -الله يرحمه- عماااااااااااااااال يجرى بين مركز شرطة المنصورة و بين المحكمة لحااااااااااااااد ماطلع لينا قرار تمكين , هنا تنفسنا الصعداء , طلع أن هنا المشكلة و هى أن تطلع معانا قوة من الأمن عشان تمكننا من الأرض و بعد كده والدى -الله يرحمه- توفى و بدأنا تاااااااااااااااانى الليلة من الأول , لحد ماطلعنا تاااااااااااااانى قرار تمكين و برضه وقفنا عند العقبة الكؤود بتاع تنفيد الحكم و كان أيامها مأمور مركز المنصورة هو العميد/ طارق حواش, تقريبا كان حالف 100 يمين أنه مش هينفد كما لو أننا كنا هناخد الأرض من حباب عنيه , لحد مالظروف وضعت فى طريقنا واحد راجل طيب , خاله كان مدير أمن الدقهلية أيامها , كان اللواء/ محمود ياسين , و الراجل الطيب ده جه مع خالى لأنه صاحبه و قابلوا اللواء مدير أمن الدقهلية و فجأة, لقينا ناس من مركز المنصورة بيتصلوا بينا و بيقولولنا أن تنفيد قرار التمكين اللى معاكم يوم كدا , غير كده, عمر ما القرار ده كان هيتنفد لحااااااااااااااااد اليوم .

يااااااااااااااااااه , كانت أيام سودا , الهى مايعيدها .

فمش المشكلة أن الحكم يصدر -زى الحكم بتاع أن الرواتب تبقى 1200 جنيه, المهم أن الناس تقبض ال1200 فى ايديها!!!!!- لكن المشكلة أن الحكم يتنفد و ده فى بلد زى مصر , لو القيامة قامت , رضه بتوع الداخلية و أمن الدولة مش هينفدوه و نظل نتغنى بالقضاء العادل الشامخ النزيه , لكن على أرض الواقع , الحكم حبيس الأدراج , زى العربية اللى التنك بتاعها مليان بنزين 98 , بس مافيهاش موتور .

MERCEDES E230