بعد شراء السيارة تويوتا أفانزا أوتوماتيك وبعد أن ركبنا لها النمر بعد اربع ايام وكان والدى لسة ماخدش على العربية فكانت هناك مناسبة عائلية ففكرنا اننا نجيب سواق عشان كان بلبل وكدة يعنى ووالدى مكنش واخد عليها ومكنش راضى انى أسوقها ...بس المهم واحنا مروحين فى أمان الله السواق طبعا مبسسوووط
وبعدين وأنا قاعد جنبه حسيت ان صوت الموتور عالى أوى فبصيت على الفتيس لقيته عامله على L والمفروض ان أقصى سرعة عند هذا الوضع 25-40كم فقولتله انت ليه عامل على L المفروض D أو 3 فقعد يبص تحت على الفتيس ومرة واحدة لقيت العربية من وضع 40 كم الى 0كم فى أقل من ثانية واقفة ضرب فرامل فى وسط الطريق ولسة هقوله ايه اللى انت بتعمله ده لقيت صوت رزعة شنيعة من ورا لدرجة ان الزجاج الخلفى وصلى قدام فخرجت بسرعة لقيت ميكروباص قديم كل نص الشنطة لدرجة انها وصلت لحد الكنبة التالتة بس الفانوس سليم فى شرخ بس والزجاج انهار كله على الاسفلت بس الميكروباص مش غلطان ومشينا وكنت عايز اكل السواق لسة العربية مبقلهاش يومين ومع انى شرحله الفتيس الاوتوماتيك قبل مانطلع من البيت وقالى انا سوقت واحدة قيل كدة واحنا مروحين ودانى لسمكرى قريبه وودناها تانى يوم عنده وخلصها ب50 جنيه هو طبعا اللى دفع وانا منطقطش بكلمة ورحنا ركبنالها زجاج خلفى ب350 جنيه انا اللى دفعتهم من جيبى والعربية رجعت الى وضعها الطبيعى بنسبة 90% ....بس اللى أنا مستغربله هو ليه عمل كدة؟؟؟؟؟؟؟؟ مع انه سواق ماهر !!!!!!!!!!!