المشاركة الأصلية كتبت بواسطة Ahmed Anwer
طب حضرتك لازم تحدد اولوياتك في العربية
عائلية - لشاب - اعادة البيع - الاصيانة كده يعني
و كمان ليه حاصر نفسك في عروض ابو غالي
فيه عربيات تانية برده كويسه بالاسعار دي
زي البروتون عموما
عموما انا كنت مكانك و كنت حاصر نفسي في مبلغ معين
و لو كنت مكانك ما بين اللي حضرتك حاصر نفسك فيهم دوول كنت اختار الصني
رغم اني علي فكرة مبحبهاش خااالص
بص هيا في النهاية هتكون اعلي قيمة ممكن تشتريها بالمبلغ ده
يعني عربية 1600 و كل الاوبشنز و عوامل الامان و علامة تجارية ليها وزن
و علي قد الفلوس بالضبط
و تتكل علي الله في انه يعفيك من عيوب التجميع المحلي
و رأيي الشخصي انك مش هتشتري عربية كل يوم
فاضغط علي نفسك علي قد ما تقدر و اشتري اكتر حاجة بتحبها و مقتنع بيها
|
أولا شكرا جزيلا لاهتمامك بالرد
بالنسبة لانحصار اختياراتي في عروض أبو غالي فده زي ماقلت علشان موضوع التقسيط والفائدة الأقل لأنها بتفرق مثلا من فائدة 6% الى فائدة 10% حوالي 8 ألاف جنيه في الخمس سنين
يعني فرق كبير برده لا يمكن اهماله
وبالنسبة لانحصار اختياراتي في رينج ال 90 ألف فده طبعا لأنه آخر امكانياتي في الدفع
ياريت والله كان الواحد يقدر يدفع أكتر كانت العملية حتبقى أحسن كتير
وأنا فاهم وجهة نظرك في اني لو قدرت أزود المبلغ حقدر أجيب عربية أفضل كتير من كده لكن ما باليد حيلة
أما بقى أكتر حاجة وقفت قدامها في كلام حضرتك وماعرفتش ألاقي لها رد هي احتياجاتي
يعني أنا مثلا طبيب امتياز يعني لسه متخرج يعني تلزمني عربية شبابي
لكن ماهو كلها سنتين تلاتة وا تجوز واحتاج عربية عائلية وبرده كمان خمس أو ست سنين الواحد هيفكر يغير وهكذا لذلك ماحدش فينا يقدر يحسب احتياجاته بالظبط
أنا كل اللي محتاجه عربية بنت حلال تريحني وتقضي كل الأغراض اللي هحتاجها فيها وأهم حاجة أنها ماتكونش بتصرف كتير. هو ده اللي انا محتاجه