استشارة ميكانيكية
السلام عليكم ورحمة الله وبركاته
يا جماعة أنا باسأل السؤال ده من إمبارح .. ومش عارف ليه ماحدش عايز يرد عليا
إن شاء الله هاشتري عربية سيراتو 2005
فيها مواصفات زيادة شوية عن الوكيل
فيها ABS وجنوط سبور وسبويلر وجهاز إنذار بتاعها وتكييف تاتش
رحت اتفرجت عليها إمبارح .. هي للأسف فيها شوية خبطات كده داير ما يدور حول العربية .. وربنا يسهل وأحاول ألمها
المهم .. لما دورتها وفضلت قاعد داخلها .. وجايب الغيار على P
لقيت إن فيه رعشة كده في الموتور .. قلت يمكن عشان باردة .. فضلت قاعد حوالي خمس دقائق .. والعربية سخنت ،، وبرضه نفس الرعشة موجودة
لكن بتروح لما أزود بنزين
وبتروح لما أنقل على الـ D أو الـ R
فيا ترى إيه سبب الرعشة دي يا جماعة
وهل هي حاجة بسيطة ولا لا قدر الله مشكلة في الموتور أو الفتيس مثلاً
وإن شاء الله هاخلص فيها على 71 ألف .. هل ده سعر مناسب ولا إيه رأي حضراتكم
ولكم جميعاً تحياتي
|