رد: يعنى ايه (قصر) او short فى ضفيرة الكهرباء؟
الله يخليك يادكتور : خالد
ومتشكر على كرم أخلاقك
وزقك الجم
ويارب تكون أمورك مع العربيه تسير على مايرام
_____________________
وبالنسبه لتساؤلك عن القصر الكهربى فى الدوائر الكهربيه
فالقصر هو الأنهاء الفجائى لسريان التيار الكهربى من الموجب للسالب
بمعنى
لو جبت طرف موجب وروحت موصله فجائيا بطرف سالب
فمنا هنا بيتم حدوث القصر الكهربى SHORT CIRCUIT
هو ده نفس إللى بيحصل تماما مع أختراق الفولت الموجب العالى للثغره الهوائيه للبوجيه
فكسر العزل الكهربى للهواء الموجود بين قطبى البوجيه
ثم أرتطام الكهربه الموجبه بعد عبورها لثغرة البوجيه وأرتطامها بالفطب السالب المتنى للبوجيه
بيولد شررا كهربيا
وهذا بيسمى أيضا بالقصر الكهربى
_________________
أيضا لو كنت لاحظت سقوط سلك كهرباء من بتوع الشوارع على الأرض
ولاحظت حدوث شرر لحظة أرتطام السلك بالأرض
فسيتولد شررا ( برضه ده قصر كهربى )
___________________
أما فى مجال البطاريات والكهرباء الثابته زى البطاريات
لو وصلت كابل كهربى بموجب البطاريه
وكبل آخر بسالب البطاريه
وجيت لمست نهاية الطرفين من الجانب الآخر ببعض
سيتولد شرر كهربى
ده برضه قصر كهربى عبر الموصلات الكهربيه
__________________
قال رسول الله 
إن الله ليملى للظالم ............حتى إذا أخذه .....لم يفلته
صدق رسول الله
___________
م/سمير
|