[خالدخليفة]

اللى متعرفوش حضرتك ان الصحرا كلها مراقبة بالقمر الصناعى علشان التهريب والكلام ده
وطبعا التهريب لازال شغااااااااااااااااااااال
المهم
فطبعا لما سيادتك دخلت الطريق بالعربية ظهرت صورتك على الشاشة ادام الباشا اللى قاعد على الكومبيوتر
ولان افراد المخابرات بيجوبو (بيلفو ) الصحرا كلها ومنتشرين فيها فهو اتصل على الفرد القريب منك باللاسلكى علشان يعارضك ( يقطع عليك الطريق يعنى / اسمها معارضة )
ولذلك انت طبعا فوجئت بيه كأنه نزل عليك من السما او انشقت الارض وطلع منها
لقيته ادامك فجأة
وطبعا دى سياسة علشان يشوف رد فعلك ويقلقك ويفهمك انهم مش نايمين
وانا شخصيا لما عربيتى النيسان الغلبانة بتاعتى عطلت على المدق فى داخل الصحراء وعلى بعد حوالى 60 كيلو من الاسفلت تاجر المخدرات اللى طلعنى
قال لى بالحرف كده
انا اتاخرت ولازم امشى
ومفهمتش معنى الجملة الا لما عرفت ان عربيتى اكيد المخابرات صوروها وزمانهم جايين وعرفت الكلام ده من العرب طبعا لان ليهم صولات وجولات مع المخابرات طبعا
ولذلك هو وقف معايا 5 دقايق ركبنى معاه وودانى اقرب ميكانيكى فى مدينة الحمام ومرجعش معايا