المشاركة الأصلية كتبت بواسطة odaoda
طيب بدون الدخول في جدال
كل سنة وانت طيب
السيراتو _ الانجلون _الفيات بونتو _فيات لينيا _الانسر_الكارينز دة الي فاكرة
كلة غلي
الجاك عربية محترمة ومش معنا انك شفتها ومعجبتش حضرتك انها وحشة ولا معنا انها عاملة مع اول مالك زيادة عن 30 الف كيلو ف 6 شهور انها اكتر من ممتازة
عموما العربية حلوة معايا وموتورها الي مش مستهويك دة موتور تكنولجيا متسوبيشي يابانية نفس الي موجود فعربيات كتيرة جدا
والشكل تصميم ايطالي ومفيش عربية من الياباني والكوري الي سيادتك بتكلم عليهم تصميم ايطالي
ارجو الهجوم بشئ من المنطق
واعذرني بلنسبة لنقطة السعر حضرتك مخطئ الي اشترا بلسعر الجديد اشتري بردو صفقة رابحة
ولاحط ان السعر 70الف كان عرض ترويجي وسعرها الحقيقي 75 يعني غليت 3 الاف جنية فقط
تقدر حضرتك تروح المعرض وتشوفها مرة كمان واذا بردو لقتها غالية في اختيارات حلوة تانية ياباني زي السريون وكوري زي الافيو
وربنا يبارك فيك وفسيارتك اي كانت
وكل سنة وانت طيب كمان مرة
|
شكرا على توضيح وجهه نظرك وافادتك لى واقتنعت بيها لما شوفتها وانت عارف انى عامل موضوع لوحده بخصوص شرائها وحضرتك مشارك فيه وكل سنه وانت طيب
المشاركة الأصلية كتبت بواسطة aymanlaw
ونصيحه من اخ الى اخيه متوجعش دماغك وتدخل القسم الصينى !!!!!!!!!!!!!!!!!!!!
|
شكرا
على توضيح الفكره بس كنت بتمنى انك تنصحنى بدون عصبيه
المشاركة الأصلية كتبت بواسطة سيف الدين سعيد
هو دا الكلام المفيد والخلاصه . يا جماعه من فضلكم ماتتناقشوش مع الأشخاص اللى زى دا . العالم دى مالهاش فى العربيات أصلا ولا بتفهم فيها . ويمكن ماعندهاش عربيات اصلا وكل الحكايه انه بيضيع شوية وقت على النت فقال ادخل اغلس على الناس واخرج تانى .
عموما الرد بالمختصر المفيد : مادام الصينى مش عاجبك ماتدخلش هنا وتتكلم . روح اتكلم فى قسم المرسيدس او البى ام دبليو .
|
شكرا لك
.....كنت بتمنى الحوار يتم بدون عصبيه وتجريح لانى ده منتدى حوار مفتوح يعنى تبادل اراء وتوضيح حاجات ممكن الواحد مش واخد باله منها وانا مجرحتش فى حد علشان حد يجرح فيا بالشكل ده .....بجد فوجئت دلوقت على الردود دى لانى لسه شايفها وحضرتك عارف انى عامل موضوع لوحده بخصوص شراء العربيه دى وحضرتك مشارك فى الموضوع وبتحاول تساعدنى فيه على العموم شكرا لك
المشاركة الأصلية كتبت بواسطة أحمد فاروق سيد
الأساتذة الكرام
odaoda
aymanlaw
سيف الدين سعيد
الأخ / silentman84
بيقول رأيه ولم يُجرح فى أحد
وهو أساساً ناوى إن شاء الله يشترى چاك B15
وقريب إن شاء الله نباركله عليها
|
الله يبارك لك استاذ احمد .....وانشاء الله ناوى اشترى العربيه بإذن الله وعامل موضوع لوحده بخصوص شراء الجاك .....بس كنت بتمنى الردود بدون عصبيه وهجوم وتجريح وسخريه لانى فعلا زى ماحضرتك قولت انا مجرحتش فى حد ولا هاجمت حد بل ممكن اكون هاجمت العربيه الصينى بس لما شوفتها كويس اقتنعت بيها
وقد سبق للاستاذ الفاضل سيف الدين مشرف القسم التجارى بالاتصال بى ومناقشه موضوع تقسيط العربيه بنظام مباشر من معرض بعيدا عن التعامل مع البنك ولكن غير موفق لان النظام المباشر لسكان القاهره فقط وانا من الاسكندريه واخبرنى بكونتاكت لكن نظامها غير اسلامى وانشاء الله اوصل لحل واجيبها بنظام اسلامى بجد علشان ربنا يبارك فيها ومايحصلش زى ماحصل فى الفيرنا لانها كانت بنظام ربا
المشاركة الأصلية كتبت بواسطة سيف الدين سعيد
يا أستاذ أحمد : صباح الفل أولا .
وبينى وبين حضرتك احنا أصلا ماغلطناش فيه انما قلناله يروح يشترى كورى اريح له . ( ولنا )
وتقبل تحياتى واحترامى .
|
حضرتك بتقول مغلطتش ....ممكن تفسر ردودك وتجريجك وسخريتك لى دى ايه
المشاركة الأصلية كتبت بواسطة سيف الدين سعيد
هو دا الكلام المفيد والخلاصه . يا جماعه من فضلكم ماتتناقشوش مع الأشخاص اللى زى دا . العالم دى مالهاش فى العربيات أصلا ولا بتفهم فيها . ويمكن ماعندهاش عربيات اصلا وكل الحكايه انه بيضيع شوية وقت على النت فقال ادخل اغلس على الناس واخرج تانى .
عموما الرد بالمختصر المفيد : مادام الصينى مش عاجبك ماتدخلش هنا وتتكلم . روح اتكلم فى قسم المرسيدس او البى ام دبليو .
|
المشاركة الأصلية كتبت بواسطة سيف الدين سعيد
ياعم سايلنت . ماتخليك سايلنت أحسن . ترتاح وتريحنا . انت واضح ان كل مشاركاتك ال 4 فى المنتدى كله عندنا هنا . وعشان اريحك اكتر : روح اشترى الكورى اللى انت واثق فيه وبتعتبره من الصناعات المميزه فى السيارات . واللى بقت العربيه الهونداى اللى ماتسواش وصلت حاليا لأكثر من 70 الف . وفاضيه من غير اوبشنات . حضرتك مع كل احترامى . خليك فى الكورى . وسيبلنا احنا الصينى لأنه عاجبنا .
|
المشاركة الأصلية كتبت بواسطة سيف الدين سعيد
اصلا دا مايتردش عليه لأنه مش فاهم ومش حايفهم . سيبوه يروح يتكلم عند الألمانى واليابانى والكورى اللى عاجبينه .
بس ياريت يعرفنا هو راكب ايه اصلا ومن غير نخع وفشر .
|
شكرا على الروح الرياضيه........ وحسبى الله ونعم الوكيل