[miam0502788391]

المشاركة الأصلية كتبت بواسطة waelsalah جزاكم الله خير تسلم يا دكتر محمد النهارده سألت فى حسين بيه على الكبالن لقيت نوعين ايطالي وده اول مره اسمع عنه ب 150ج للكوبلن الواحد (خارجى) وفى نوع علبته كورى وهو فى الاصل صيني ب 60ج للكوبلن الواحد (ده على كلام التاجر) هل عند حضرتك فكره ايه الافضل خصوصا ان الغش كتر جدا فى السوق وايه رايك فى الاستيراد وايه اسعاره؟ ولكم جزيل الشكر

وجزاكم خيرا
انت ابن حلال انا كنت يوم الاحد اللى فات فى حسين بيك علشان الكوبلن ( الخارجى) والمساعدين الامامين
الكوبلن الصينى ده عند عادل وديع وكنت مغيره هو هو من حوالى 10 شهور ب 70 جنيه والنهارده ب لقيته ب60 ج وقعد معايا ال 10 شهور تمام وبعدين بيطقطق دلوقتى , ولقيت الايطالى اللى ب 150 ج وده اللى اشتريته ولسه هركبه الاسبوع الجاى ان شاء الله , فيه كمان كوبلن يابانى ب 250 جنيه وده طبعا افضلهم بس غالى شوية
على العموم الصينى اللى عند عادل وديع مش وحش ولو مشى حضرتك مش كتير يمشى معاك اكتر من 10 شهور لأن 10 شهور دول عملوا عندى حوالى 20.000 كيلوا ما شاء الله
الخلاصة لو تقدر تشترى اغلى هات اليابانى ولو عايز حاجة تمشيك كويس برضه ورخيصه هات الصينى وخير الأمور الوسط هات الإيطالى
الاستيراد لا انصح به مطلقا لأن اللى يخلى حضرتك تجيب كوبلن استيراد بحوالى 90 ج يقعد معاك سنة يبقى تجيب الصينى افضل
سؤال اخير لحضرتك تعرف حد بيبيع مساعدين المونرو فى المنصورة ؟؟ لأنى مش لاقيهم فى الحسنية