رد: استفسار عن ماسورة غريبه في الماروتي
النهارده نزلت لفرع بريدجستون صلاح سالم
حاجه تكسف والله
امبارح يقولولي العامل مش موجود
وادوني تلفونهم
كلمتهم قالولي موجود
رحتلهم عشان عايز اعمل العربية
امبارح كان في واحد كشف عليها وقالي تمام وبكره هنعمل ونسوي قلت محترمين
النهارده بقا يقولي للاسف جنطك 12 ومينفعش اظبط زوايا عندنا لانه جنط 12 والمكنه اقل حاجه فيها 13!!!!!!!
قلتله مش مهم الزوايا المهم اربط العفشه
قالي للاسف الدراع بتاع المكنه اللي بتربط بايظ!!!!!!!!
قلتله امال هوا امبارح قالي تعالى بكره ليه؟؟
قالي والله المدير عارف ان المكنه بايظه
قلت لا حول ولا قوة
قلتله طب يعني دلوقتي ايه المتاح قالي الترصيص
قلتله مش عايز اعمل حاجه
ومشيت
دلوقتي هل ينفع محل بتاع ترصيص وربط عفشه وظبط زوايا يكون بالشكل ده
فمابالك لو فرع من فروع فت اند فكس بتوع بريدجستون
ويعني ايه المكنه مبتظبطش زوايا لعربية جنط 12؟؟
طب على كده مفيش عفشجي فيكي يامصر عنده مكنه تظبط 12
مهو لما بريدجستون معندهمش هيبقى عند العفشجي
لا حول ولا قوة والله المستعان على تضييع الوقت
والحمد لله على كل حال
لما اخلص امتحانات بقا ابقى اوديها تتعمل
العربية كملت 21 ألف ومعملتلهاش اي صيانه من ال10000 غير تغيير الزيت
يعني في الضياع
ربنا يسترها
تحياتي
|