رد: اسئلة تهم المبتدئين فى عالم السيارات
بجد اجمد موضوع شوفته فى المنتدى عشان فيه تفاعل من كل الاعضاء ... وربنا يوفقنا للى فيه الخير لينا كلنا ...
انا عندى مشكلة حاسسس انها عبارة عن شوية مشاكل صغيرة فى بعضها بس رخمة ومخليانى متضايق عالعربية اوى مع انها ما شاء الله عربية كويسة... المشكلة كالتالى (هحاول اقسمها)::
1- كاسيت العربية بيهيس ... يشتغل كويس وبعد كده وانا ماشى اول ما اخد مطب او اعدى على ارض مش مستوية والعربية تترج بيفصل ومينطقش تانى كانى طفيته والاقى مع الهزات الشاشة بترعش يعنى تنور وتطفى وممكن بعد شوية لو حاولت اشغله تانى يشتغل لحد مايتكرر نفس الموقف .
2- العربية لما تبقى واقفة وهى دايرة بحس برجرجة تبان فى عصاية الفتيس او باب العربية وهو مفتوح
3- وانا ماشى بالعربية واول ما الغيار يجيب اخره وصوت الماتور بيتدى يعلى وهبتدى انقل الغيار الاعلى بسمع صوت تصفير مع صوت الماتور وبعد كده يروح لحد مالغيار اللى بعده يجيب اخره وهكذا ( المشكلة بتبقى واضحة اوى بالاخص مع الغيار الاول والتانى)
4- ودى احدث مشكلة ان العربية مش بتدور غير لما حد يزقها وصحابى قالولى دى مشكلة مارش مش بطاريو لان نور العربية بيولع عادى والعربية واقفة والزجاج كهربا بيشتغل عادى فدى علاجها ايه عشان الكهربائى ميشتغلنيش..
اسف جدااا للاطالة ومستنى ردودكم
ملحوظة رفيعة:: عربيتى دايو لانوس2 موديل 2005 شاريها مستعملة من حوالى شهر ونص - الكاسيت ماركة اسمها wolf - سماعات sony و جى إم sony
فى انتظار الافادة من خبراء المنتدى الكرام ... محدش يطنش انا مستنى ومش هاتحرك وانتو حرين بقى .... هههههههههههه
__________________
سبحان الله وبحمده سبحان الله العظيم
|