22-11-2010, 05:20 PM
|
|
من انا؟: أنسان يعيش و يتعايش
التخصص العملى: تانية تجارة
هواياتي: Everything
|
|
تاريخ التسجيل: May 2010
الموقع: مصر الدور الرابع
المشاركات: 1,400
|
|
رد: عايز تسأل عن التعديل.؟؟في حاجة محيراك في التعديل.؟؟ حط سؤالك هنا وهتوصلك الاجابة.
المشاركة الأصلية كتبت بواسطة ahmedcpa135
عندى لادا ينفع يركب لها بور دركسيون كامل مش نص
|
بعيدا عن ينفع وماينفعش, مبدأيا نظام الباور محتاج طلمبة وخطوط هيدروليك, ده غير المكونات الفعالة التانية فى النظام اللى على أتصال مباشر بالعجل والموتور, المشروع صعب يتنفذ لأن هيبقى فيه أفتكاس كتير, نركب دى فين ونغير دى علشان مش هتنفع وهتتكلف كتير.
الهاف باور اللى هو الأسكترة أسهل وأضمن وأرخص, هتخلع المكونات القديمة اللى هى خزنة الدركسيون والتيش وتركب مكانها أسكترة, التعديل على عكس الباور الكامل أسهل وناس كتير عملته قبل كده.
وبص ياباشا على الموضوع ده.
http://www.masrmotors.com/vb/showthread.php?t=22075
المشاركة الأصلية كتبت بواسطة THE_HERO2005
بصراحة موضوع رائع ؛ وربنا يباركلك ان شاء الله
|
المشاركة الأصلية كتبت بواسطة THE_HERO2005
انا معايا بولونيز مو87 وكنت عايز اصلح الكرسى بتاع السواق علشان الضهر بتاعو ما بيتحركش وملحوم بس الكرسى بيتحرك لقدام و ورا عادى.... فياريت لو حضرتك تقولى ينفع اركبلو مفصلة ولا اى حاجة علشان يتحرك ؟ وبكام ؟ وفين ؟
العربية عندى عاليه وعايز اركب اكصدام طويل لتحت او حاجة زى الكساحات بس تكون سعرها حنين ....
|
لو الكرسى ملحوم ممكن تفك التنجيد بتاعه وتاخد الهيكل عند سمكرى أو حداد وتخلع اللحام, وتبقى تجيب المكنة اللى بتحرك الكرسى من عربية تانية أستيراد وتخليه يلحملك الطرفين بتوعها على الضهر وتركب مفصلات الكرسى اللى خدت منه المكنة على الكرسى بتاعك.
بصراحة موضوع متعب وهيقرفك, وممكن ميطلعش صح أو ماتلاقيش مكنة تركب, ألخ,تغيير الكرسى بواحد أخر يعتبر حل أحسن, هات واحد أستيراد أو مخلوع من عربية نصين أحسن
ولو لسه الموضوع فى دماغك ممكن تسأل سمكرى أو سروجى على الحلول اللى ممكن تتنفذ, الكراسى مش مجال تفوقى .
الكساحات طبعا ممكن, دول صورتين على الماشى كده.
الكساحة هتتكلف حوالى 400 جنيه أو أكثر, الأكصدام هيتخلع والكساحة هتتركب عليه بطريقة أو بأخرى (فايبر جلاس, مسامير, أمير) ويتصنفر لو فيه زوايد من عملية التركيب ويتمعجن ويتصنفر تانى, ويترش ويركب مكانه.
المكان: حرفيين.
التعديل الأخير تم بواسطة Injection ; 22-11-2010 الساعة 05:29 PM
|